انتشرت في الفترة الاخيرة في بعض المنتديات موضة بيع اجهزة الريسفرات الي تشغل القنوات المشفرة مثل شو تايم واوربيت وغيرها
احب انبه الجميع ان هالاجهزة ممنوع بيعها داخل اسواق دولة الامارات
وان الي يبيعها يرتكب مخالفة قانونية صريحة ببيع وترويج مثل هالاجهزة؟
لانه ببساطة خرق قانون حقوق الملكية الفكرية والرقمية لدولة الامارات الي يمنع اي شكل من اشكال القرصنة ومن ضمنها القرصنة على القنوات الفضائية المشفرة
والشي الاعجب انك تشوف انهم عارضين بكل جرأة ولا خوف من المحاسبة القانونية اسامي شبكات البث الفضائي الي يخترقها مثل اوربت وشوتايم وغيرها !!
وجميعها لديها مكاتب وفروع داخل الدولة والي يسهل عليها الوصول للشخص المعني قضائيا ومحاسبتك قانونيا
والشي الاهم ان البعض ذاكر ان الجهاز عليه ضمان سنة من الوكيل؟؟؟؟؟
اي وكيل هذا الي ؟؟ اذا كانوا الهنود يبيعونه بالدس وهم خايفين ان حد يزخهم ويسكر محلهم
ووين حقوق المشتري يوم يخرب الجهاز ويبغي يستفيد من الضمان..
هل الضمان القائم على شي غير شرعي او قانوني يثبت الحق للمستفيد؟
طبعا لا… لان القاعدة تقول مابني على باطل فهو باطل
في النهاية احب اذكر الجميع ان عقوبة مثل هالاشياء توصل لحد التوقيف مع الغرامة المالية ومصادرة الاجهزة
وتحياتي للجميع
ياجماعه
عليكم بقناة إقرأ
مجاني وبدون اشتراك
بصراحه راعي الموضوع ماعنده سالفه
ولو مو عاجبه خل يروح يشترك ب10.000 درهم
وخل الناس تسترزق
وياليت لو ينغلق الموضوع وردود الاعضاء تكفي
انا اشوف انه مافيها شي
صاحب الموضوع اسمحلي اقول هالكلام ……………… انت اولا كنت كاتب هالكلام في موضوعي عن الجهاز …. مع العلم اني مخصص الموضوع فقط للطلبات والاستفسارت !!!!
لاكن بعد بتييييييييييييييك ناس تتفلسف عليك وتحلل وتحرم
وانا تجاهلت اللي كتبته ولا رديت عليك لانك مب فاهم السالفة .
بعدين انا اللي كنت كاتب له وكيل بالدوله وانت اتقول مافيه اذا مب مصدق دش موقع الجهاز اللي اصلا ماتعرف عنه شئ وشوف وكيله بالدوله ………….. الافضل تسالني قبل لاتكتب ردك.
وبعد ين ياخي
خل الشعب يعيش
يعني عايبنكم اسعار اشتراكات الباقات
ولا
فرحانين يوم بتسيرون عند الهندي بس يشوفكم مواطنين وبكناديركم بيخلي السعر 3 اضعاف ….. واذا نقص بينقص 100 درهم بالكثير ….. وانتوا فرحانين بهالخصم.
واتمنى من الادارة غلق الموضوع
وشكرا
تسلم اخوي على التنبيه