السلام عليكم
أنا صار لي موقف مع الكندي للسياراتوالوطنيه للسيارات هن نفس المالك وللأسف خداع في خداع
أول ما ييت اشتري السياره قالولي الخدمه ممتازه ولو سيارتك على الضمان ممكن تحصل سياره مجانا يوم تكون سيارتك في السيرفس وكلام كثير وكله خرطي.
سيارتي من بعد ما اشتريتها ب 8 شهور ما فيها عزم فقلت يبالها تنظيف الانجكترات .. المشكله الكبيره هيه ان السياره قعدت اكثر من شهر ونصف وانا كل يوم اتصل وما شيء فايده علما اني ساكن بعيد عن موقع الخدمه إلي هوه في صناعية العوير.
في اليوم 28 ردوا عليه وحولوني عن واحد هندي بصراحه كلب شوي عليه .. لأني انا معصب وهو يقولي لا تعلي صوتك شو المشكله فخذ رقم السياره وقالي بتصل فيك وما شيء فايده عقب اسبوع سرت عندهم وما خليت كلمه ما قلتها وياني واحد انجليزي وطلع هوه مدير في قسم عندهم وقالوا شو المشكله فشرحت له القصه كلها ولكن بصراحه كان جدا محترم وقالي نعم في تقصير في الخدمه ولكن نحن نحاول نحل المشكله 
.. وبعد 43 يوم ياني اتصال وقالولي سيارتك اوكي تعال شلها .. ييت ولكن بدون سيرفس استغربت كيف جيكوا على السياره من غير سيرفس. وما دفعت طبعا شيء.
أنا انصح كل من له علاقه بيهم يحط ملاحظته عنهم علشان الناس يستفيدون وعلى فكره أنا قلت لهم بفضحهم في المنتديات وفي كل مكان ..
وكالة الكندي تتضمن السيارات التاليه ( الجمس واليوكن الدينالي والأكتيون وسانسونق ..إلخ
خيبة تبدل ايل 400 درهم ليش ؟
تبديل الايل في السوق يكلف احسن ايل الي يمشي السيارة7500 كيلو على 180 درهم
ارباب
وانا وايد سمعت شكاوي ع الكندي في السيرفس
هو والفطيم واحد في كل شي
وخصم لـ موظفين البترول 10000 بعد ^^
عند بن حموده خصم للعسكري 10000 درهم
السلام عليكم
انا ماتعاملت وياهم بس ايقولن انه بن حموده احسن عنهم تبديل الايل عند الكندي 900 وبن حموده 400ومفي خصم للعسكري 10000 درهم
بما اني من عملاء الكندي ودائما متواجد عندهم من فتره تقريبا كان عندهم واحد مواطن الله يذكره بالخير اسمه مايد المهم استوت مشكله وطلع عنهم وعتفس السيرفس فالعوير فوق وتحت والله يذكره بالخير يوم ايي مواطن الوكاله والله يشله على راسه بس اللحين في ثنيه وهم من زمان واحد هندي والثاني زلمه وكلهم وقحين جنه وكلاتهم من فتره مدخل البكب الوكاله وصرقوا سامان فالسياراه وهذا الانجلزي مايفول دله والمشكله انه خواف تهزبه شوي روحه مسكين يدش يجيك اذا الموتر خلص ولا لأ وانشالله عيال الكندي مابيقصرون