السلام عليكم
أنا صار لي موقف مع الكندي للسياراتوالوطنيه للسيارات هن نفس المالك وللأسف خداع في خداع
أول ما ييت اشتري السياره قالولي الخدمه ممتازه ولو سيارتك على الضمان ممكن تحصل سياره مجانا يوم تكون سيارتك في السيرفس وكلام كثير وكله خرطي.
سيارتي من بعد ما اشتريتها ب 8 شهور ما فيها عزم فقلت يبالها تنظيف الانجكترات .. المشكله الكبيره هيه ان السياره قعدت اكثر من شهر ونصف وانا كل يوم اتصل وما شيء فايده علما اني ساكن بعيد عن موقع الخدمه إلي هوه في صناعية العوير.
في اليوم 28 ردوا عليه وحولوني عن واحد هندي بصراحه كلب شوي عليه .. لأني انا معصب وهو يقولي لا تعلي صوتك شو المشكله فخذ رقم السياره وقالي بتصل فيك وما شيء فايده عقب اسبوع سرت عندهم وما خليت كلمه ما قلتها وياني واحد انجليزي وطلع هوه مدير في قسم عندهم وقالوا شو المشكله فشرحت له القصه كلها ولكن بصراحه كان جدا محترم وقالي نعم في تقصير في الخدمه ولكن نحن نحاول نحل المشكله 
.. وبعد 43 يوم ياني اتصال وقالولي سيارتك اوكي تعال شلها .. ييت ولكن بدون سيرفس استغربت كيف جيكوا على السياره من غير سيرفس. وما دفعت طبعا شيء.
أنا انصح كل من له علاقه بيهم يحط ملاحظته عنهم علشان الناس يستفيدون وعلى فكره أنا قلت لهم بفضحهم في المنتديات وفي كل مكان ..
وكالة الكندي تتضمن السيارات التاليه ( الجمس واليوكن الدينالي والأكتيون وسانسونق ..إلخ
هذا حالهم من زمان الوطنية…..
و المصيبة بعد الشفر صاروا هم الوكيل في دبي….
نصيحة سر بن حمودة أو ليبرتي……
صدقت يالشامسي، مايد الله يذكره بالخير ماكان يقصر ويحشم هل البلاد، يمكن من طلع تغيرت الأمور، وخصوصا بعد توفى عبدااله ولد سعيد الكندي الله يرحمه هو كان يدير الوكاله ويهتم فيها.
بصراحه المفروض يكونون أصحاب الوكاله على علم بهذا الشي لي صاير، وما أتوقع انهم يرضون بالغلط.
مالك غير وكالة بن حموده
الصراحة انا ما شفت وكالة اخس من الفطيم تقول بيجيكون السيارة ببلاش ,,,,
وكالة الدينا تريد مال البهوان مليون مرة احسن,,,,