تحذير مهم للجميع بخصوص سيارات الوارد أمريكا

128 thoughts on “تحذير مهم للجميع بخصوص سيارات الوارد أمريكا”

1. أرجوا ممن يبغي سياره سليمه أو مدعومه من أمريكا بأن يتصل بي فورا

   سعـود البكر الزعابي
   تليفون مباشر 0017862811313

2. بصراحة استفدت وايد من ارائكم

   يعني بالاضافة انه الوارد ما فيه خير (وهذا شي اكييييد) … صارت عملية تخسر اكثر من انها تربح

   لكن السؤال .. هل الدولة تسمح بتسجيل سيارات غرقانة بالاصل؟؟

3. السلام عليكم

   اولا شكرا للموضوع الشيق والمثير للنقاش

   اولا طولي بعماركم كلام الاخ سلطان صحيح . السيارات الوارده بشكل عام كانت غرقانه اومجلوبه او او او … الخ . فهي وارده . جماعة الخير لو تشوفون المصانع في دول العالم اللي تصنع السيارات بتشوفون قسم خاص للسيارات المصنعه خاصه للخليج .. ما سألتو عماركم ليش مسويين قسم خاص للسيارات الخليجيه ؟ , ذلك بسبب تلائم السياره مع جميع ضروف ومناخات الخليج . هناك فروقات كثيره ومن اهمها بنية السياره , السقف وسماكته . بشكل عام اساسات السياره . . شي بعض الشباب يقولون السياره الامريكيه افضل لأنه مواصفاتها افضل !! اخواني العقل نعمه يعني بالله عليكم شو اهم اساس السياره ام المواصفات ؟؟؟ .. واللي يقولك الامريكيه ارخص !! جماعة الخير اللي عنده امريكيه اشتراها وباعها خلنا يقوللنا كم خسر .. جماعة الخير تكلفة استيراد السياره مكلفة , يعني شحن , التأمين في الشحن , تخليص السياره من امريكا والجمرك .والجمرك اللي في البلاد .. لو نحسبها مع قيمة السياره ونييبها ونرجع نبيعها شوفو كم بتبلغ القيمه الحقيقيه واحسبوها مع نفس السياره لكن الخليحيه وبتشوفون ان الخليجيه افضل في سعرها عند البيع . الواحد ما يفكر بس يوم بيشتري السياره كم سعرها ومواصفتها لكن يشوف كم بتييب يوم بيبيعها وشو اساسيات السياره وشو بنيتها .. جماعة الخير الوارد بشكل عام لا نفع له يعني شي انته بتدفع فيه دم قلبك ومب عارف شوفيه وشومافيه ؟؟ ,, اللي يبا سياره حق شهرين ثلاث ياخذ الوارد واللي يباها اكثر من سنه ياخذ الخليجيه ولا ياخذ الوارد .. انا صاحب معرض والحمدلله خايف ربي وابي الكل ياخذ هالشي بعين الاعتبار .. اولا الوارده ما تعرف صاحبها شو كان يسوي فيها ! هل هي مسروقه ام لا ؟ هل هي متكنسله ام لا ؟ (اللي لوحظ الحين صار تصليح الشاصي ابيزه وتصليح ما يطلعلك شخطه انها مصلحه) لكن الخليجيه تاخذها جدامك وتطلب من صاحبها انه تسويلها فحص كامل واذا فيها شي تقدر ترجعها لانك بعدك ما بتكون ماخذها . لكن الوارد ان يبتها تراك خذيتها ودفعت قيمتها ولوسويتلها فحص وطلع فيها شي كيف بترجعها ؟ ومنو بيردلك فلوسك؟ واذا رجعتها كم بتخسر ؟؟؟ …. .هل تعرف هي غرقانه اولا ؟ (للعلم شي بعض الوكالات في امريكا تبيع الغرقان وماتنكشف الا بالفحص الكامل في الوكاله على المحرك) .. السياره الخليجيه والله مالها مثيل . لا تحاتون عالفلوس (تبون رخيص ويطيح فوق جبودكم وتبدلون فيها كل شوي شي ولا تبون الخليجي الغالي وعليه ضمان وتعيش عندك وكامله مكمله وتاخذ سياره بنظر عينك ؟ )

   ارجو انه كلامي ينقرا عدل ويردون عليه ناس ذوي خبره لوضع تعليقاتهم وارجو اني ما اكون طولت عليكم

   .والسموووحه

   اخوكم

   ][®][^][®][ الرميثي ][®][^][®][

   كلام سليم ..

   لكن يا الرميثي .. بحكم خبرتك .. ماتتفق وياي انه للسيارات الخليجية معجبيها و للوارد معجبيها

   وهل تتفق وياي انه في سيارات وارد .. تجي البلاد نظيفة ( يعني لامدعومة ولا غرقانة )

4. انا اشوف انه مافيها شي يوم الواحد يشترى سيارة غرقانة أو مدعومة .. بس أهم شي انه يدري بهذا الشي ..

   أول شي بتطلع أرخص عن السوق بواااااااااااايد .. لانة السيارات هذي تنباع ببلاش تقريبا .. والسبب أنه كلفة تصليحها في أمريكا عالية جدا لانة ماعندهم هناك وارد اليابان ولا عندهن بنقالية يشتغلون باجور زهيده .. ونحنا فلامارات يوم نشتري هذي السيايير نرجعها مثل أول بالظبط وبأقل من 25% من كلفة تصليحها في بلادها .. و ال75% يتقسم على الربح للبائع و السعر الجيد للزبون ..

   يعني مثلا مثلا ..

   كامري موديل 2004 فيها دعمة أو غرقانة سعرها بالمزاد 25000 وتصليحها في امريكا ب25000 وتنباع مستعملة عندنا بحدود ال 40.000 …
   يشترونها ب25000 وتتصلح ب 6000 .. تطلع تكلفة السيارة 31000 و يبيعها ب 37000 .. صاحب السيارة استفاد 6000 و الزبون حصل سعر اقل من السوق ب3000 درهم.

   والسايرة مصلحة 100% وماعليها كلام و احسن عن الخليجية

5. :ajeeb1:
   صاااااادوه

   انا اشتريت راف4 وارد من امريكا

   استعملتها اسبوع واختربت وجيكت عليها طلعت ماكلنها الصدا من تحت والمكينة ضرب فيها الكرنك كيس :sahem2:

   انتبهوووووووووووووووووووا

   اخي شكلك ما تعرف السرفس لابد تبديل زيت المحرك كل فتره هههههههههههههههههههههه:rofl:

Comments are closed.