تحذير مهم للجميع بخصوص سيارات الوارد أمريكا

128 thoughts on “تحذير مهم للجميع بخصوص سيارات الوارد أمريكا”

1. السلام عليكم

   اولا شكرا للموضوع الشيق والمثير للنقاش

   اولا طولي بعماركم كلام الاخ سلطان صحيح . السيارات الوارده بشكل عام كانت غرقانه اومجلوبه او او او … الخ . فهي وارده . جماعة الخير لو تشوفون المصانع في دول العالم اللي تصنع السيارات بتشوفون قسم خاص للسيارات المصنعه خاصه للخليج .. ما سألتو عماركم ليش مسويين قسم خاص للسيارات الخليجيه ؟ , ذلك بسبب تلائم السياره مع جميع ضروف ومناخات الخليج . هناك فروقات كثيره ومن اهمها بنية السياره , السقف وسماكته . بشكل عام اساسات السياره . . شي بعض الشباب يقولون السياره الامريكيه افضل لأنه مواصفاتها افضل !! اخواني العقل نعمه يعني بالله عليكم شو اهم اساس السياره ام المواصفات ؟؟؟ .. واللي يقولك الامريكيه ارخص !! جماعة الخير اللي عنده امريكيه اشتراها وباعها خلنا يقوللنا كم خسر .. جماعة الخير تكلفة استيراد السياره مكلفة , يعني شحن , التأمين في الشحن , تخليص السياره من امريكا والجمرك .والجمرك اللي في البلاد .. لو نحسبها مع قيمة السياره ونييبها ونرجع نبيعها شوفو كم بتبلغ القيمه الحقيقيه واحسبوها مع نفس السياره لكن الخليحيه وبتشوفون ان الخليجيه افضل في سعرها عند البيع . الواحد ما يفكر بس يوم بيشتري السياره كم سعرها ومواصفتها لكن يشوف كم بتييب يوم بيبيعها وشو اساسيات السياره وشو بنيتها .. جماعة الخير الوارد بشكل عام لا نفع له يعني شي انته بتدفع فيه دم قلبك ومب عارف شوفيه وشومافيه ؟؟ ,, اللي يبا سياره حق شهرين ثلاث ياخذ الوارد واللي يباها اكثر من سنه ياخذ الخليجيه ولا ياخذ الوارد .. انا صاحب معرض والحمدلله خايف ربي وابي الكل ياخذ هالشي بعين الاعتبار .. اولا الوارده ما تعرف صاحبها شو كان يسوي فيها ! هل هي مسروقه ام لا ؟ هل هي متكنسله ام لا ؟ (اللي لوحظ الحين صار تصليح الشاصي ابيزه وتصليح ما يطلعلك شخطه انها مصلحه) لكن الخليجيه تاخذها جدامك وتطلب من صاحبها انه تسويلها فحص كامل واذا فيها شي تقدر ترجعها لانك بعدك ما بتكون ماخذها . لكن الوارد ان يبتها تراك خذيتها ودفعت قيمتها ولوسويتلها فحص وطلع فيها شي كيف بترجعها ؟ ومنو بيردلك فلوسك؟ واذا رجعتها كم بتخسر ؟؟؟ …. .هل تعرف هي غرقانه اولا ؟ (للعلم شي بعض الوكالات في امريكا تبيع الغرقان وماتنكشف الا بالفحص الكامل في الوكاله على المحرك) .. السياره الخليجيه والله مالها مثيل . لا تحاتون عالفلوس (تبون رخيص ويطيح فوق جبودكم وتبدلون فيها كل شوي شي ولا تبون الخليجي الغالي وعليه ضمان وتعيش عندك وكامله مكمله وتاخذ سياره بنظر عينك ؟ )

   ارجو انه كلامي ينقرا عدل ويردون عليه ناس ذوي خبره لوضع تعليقاتهم وارجو اني ما اكون طولت عليكم

   .والسموووحه

   اخوكم

   ][®][^][®][ الرميثي ][®][^][®][

   اول شي تقول ليش مسوين قسم حق الخليجي هو نفس السبب اللي مسوينه حق الاوربي والامريكي وخاصه اصلا معظم مصانع العالم لها افرع في امريكا

   ثانيا تقول الاساسات فرق الحين شو تقصد الشاصي وسوالف السيفتي؟؟ من هذي الناحيه اقولك الامريكي متفوق بوايد بشروطه الصارمه اما الخليجي تعال سياره ستاندر وزيد عليها اما اذا تقصد تفرق من ناحيه الجو والبيئه هذي اول مره اسمع فيها تقول فرق سقف واساسات عشان تكون للبيئه يعني شو الامريكي سقفه ما يستحمل حراره مثلا هذي سوالف مصنعيه يعني سياره مصنوعه من المنيوم ولا خلائط المعادن تكون معده لكل الظروف الجويه او حتى الفايبر وهذي السوالف

   ثالثا عن تقول الوارد ما تعرف شي فيه ما حد يشتري عمياني الحين الامريكي مثلا اخونا سلطان حط موقع الواحد يدش وموجود الاخ سعود وما بيقصر يعني السالفه مو صعبه بتنفحص في مكانها السياره وعقب اذا طلع شي فيها ما يشترها واذا يعرف انها مدعومه ولا غرقانه هو يتحمل اختياره وحتى لو سياره خليجيه ما تقدر تضمن راعي المعرض يبيعك سياره نظيفه السالفه كلها يعني نفس بعضها وكلامك اللي تقول فيه الشاصي يتصلح وما يبين انه تصلح هذا شي ينطبق على الوارد والخليجي وتراه الوارد لو اشتريته ترده على المعرض وهو يتحمل اما اذا عن طريق موقع موجود فيه مواقع والاخ سعود

   رابعا تقول عن الرخص واعاده البيع صح معاك في هذا الشي الخليجي اعاده البيع احسن عن الامريكي وتقول امريكي حق شهرين الحين السيارات الوارد شوف كيف ماليه الدنيا وانتشار السياره هل معناته كلها مشاكل وكلها مسروقات وكلها غرقانات؟؟ صح في الغرقان وفي المسروق وفي المدعوم بس لا تنسا حتى الخليجي فيه المدعوم وفيه وفيه

   وزبده الكلام يا اخواني لا امريكي ولا خليجي فرق في شي اللهم الفرق مواصفات على حسب الوكيل في كل دوله هذا اول شي وثاني شي طرق التعامل وضمان السياره الوارد المستعمله وهذا يعتمد على خبره المشتري وعلى ضمير راعي المعرض كان يبيع خليجي او الوارد واذا في فرق اسعار اشياء وايد تحدد الاسعار من احتكار وجمرك ولاتصدير وتخزين وفرق العمله وبلد المنشاء بعده وقربه كلها اشياء مرتبطه وبدل كل هذا الكلام كل واحد يدش موقع الوكالات مثل تويوتا امريكا ويدش تويوتا الامارات وخلاص وشوفو الفروقات وخلاص هذا اذا تتكلمو عن الوكاله

   وفي االاخير اقولكم كل سوق وكل واحد وله رغباته تسلح بالخبره او اعتمد على اناس ثقه ان شالله بتتوفقج بالسياره ولا بتنغش ويا اخواني الشارع يشهد والمعارض تشهد انه كل واحد وله ذوقه امريكي او خليجي والواحد لا يعتمد على تجربه مره او مرتين حتى يعمم على كل شي

   واخوي فتح هذا الموضوع حتى يحذر من سيارات الغرقانه او المسورقه اللي اييبنوها راعيين المعارض ويوهمون الناس انها نظيفه وما فيها شي يعني الحذر من راعيين المعارض اللي ما عندهم ضمير تسلح بالمعرفه وبالفحص ولا حد يقدر يغشك لا امريكي ولا خليجي

   وسلمتو

2. السلام عليكم

   اخواني الكرام

   اول شئ مشكور اخوي عالنصيحه الطيبه وما قصرت وانا معاك ان لازم نحذر من السيارات المدعومه والغرقانه…

   طيب انا عندي كم سؤال ؟

   الحين انا بدفع 10 الاف درهم زياده على السيارات الخليجيه مب احسن لي واكون مرتاح من بلاوي الوارد وقلبي مرتااح

   انا دخلت مواقع الكوبارت وغيرها للسيارات المستعمله والامريكيه الغرقانه والمدعومه انا شو يضمني فالسيارات هاي بتقولي لي خل واحد هناك يشوفها لك بقولك شو يضمني في هاك الريال بعد

   اخوي سعود.. انت حطيت اعلانك للسيارات بس انته تفكر في ربحك دام ان اخونا ينصح وانته داش عرض تحط اعلان كانك تقول ما يهمني كلامكم وحاط اعلان في الموضوع المفروض انك ترد بالاقناع والحجه صح ولا انا غلطان..!!

   هل بتعطيني ضمان على هالسيارات المستعمله لمده خمس او ست سنوات ؟؟ اول شرط علشان نشتري السياره من عندك نوثق في المحكمه العقد وانا بشتري من عندك بس نوثق العقد فالمحكمه ان السياره نضيفه وما عليها اي شئ وتعطيني ضمان ست سنوات عالسياره مثل ما انته تريد تضمن حقك انا بعد اريد اضمن حقي ! وانا مش غلطان

   نحن ما نرضاها لا تفكر بالطريقه اللي تفكر فيها الحين ( ما طار طير وارتفع الا كما طار وقع)

   80 % من زبائني ما يبون الا سيارات غرقانه ومدعومه

   وهم اللي يتصلون ويكونون محدديين سياييرهم ويخبروني في أي موقع موجوده ويقولولي ييبها لنا

   ومحد منهم قالي عطني ضمان ست سنوات

   وحبيبي حتى الفطيم والطاير وقرقاش ما يعطون ضمان ست سنوات

   الظاهر أنك تطلب شئ مستحيل

   حتى الادمي يوم تولده أمه ما يعطون عليه ضمان ست سنوات

   وكلامك ما يدخل المخ

   وبعدين أذا تبا عقد موثق عن طريق المحكمه

   أنا عندي وكلاء

   هم الاستاذ الفاضل سالم إبراهيم صالح كرووع الفلاحي 4924477 – 050 أو 3726000 – 050
   والاستاذ الفاضل فيصل عبدالكريم الخضر 3182222 – 050
   أصحاب شركه المحترفون العالميه للسيارات بالامارات

   وعن طريقهم نقدر نعطيك عقود موثقه ومصدقه من المحكمه أو من أي محامي معترف به

   ونحنا حاضرين

   واللي تباه بنسويلك أياه

   الحين أتصل بسالم أو فيصل وأرجوك أن تمر عليهم في مكاتب الشركه بالامارات وتتفاهم معاهم واللي تباه بنعطيك أياه

   وسامحنا

   وأذا تبا رنج سبورت من الوكاله بقراطيسه 2006 ب 225 الف درهم نحنا حاضرين

3. اخوي الحاضر الغائب
   الصراحه الكلام لازم ينبني على ادله وشواهد…. مثلا ممكن تسال الاعضاء اللي تعاملوا مع الاخ سعود البكر ومن بعدها نقدر نحكم ….

   والسموحة منكم.

4. السلام عليكم

   اخواني الكرام

   اول شئ مشكور اخوي عالنصيحه الطيبه وما قصرت وانا معاك ان لازم نحذر من السيارات المدعومه والغرقانه…

   طيب انا عندي كم سؤال ؟

   الحين انا بدفع 10 الاف درهم زياده على السيارات الخليجيه مب احسن لي واكون مرتاح من بلاوي الوارد وقلبي مرتااح

   انا دخلت مواقع الكوبارت وغيرها للسيارات المستعمله والامريكيه الغرقانه والمدعومه انا شو يضمني فالسيارات هاي بتقولي لي خل واحد هناك يشوفها لك بقولك شو يضمني في هاك الريال بعد

   اخوي سعود.. انت حطيت اعلانك للسيارات بس انته تفكر في ربحك دام ان اخونا ينصح وانته داش عرض تحط اعلان كانك تقول ما يهمني كلامكم وحاط اعلان في الموضوع المفروض انك ترد بالاقناع والحجه صح ولا انا غلطان..!!

   هل بتعطيني ضمان على هالسيارات المستعمله لمده خمس او ست سنوات ؟؟ اول شرط علشان نشتري السياره من عندك نوثق في المحكمه العقد وانا بشتري من عندك بس نوثق العقد فالمحكمه ان السياره نضيفه وما عليها اي شئ وتعطيني ضمان ست سنوات عالسياره مثل ما انته تريد تضمن حقك انا بعد اريد اضمن حقي ! وانا مش غلطان

   نحن ما نرضاها لا تفكر بالطريقه اللي تفكر فيها الحين ( ما طار طير وارتفع الا كما طار وقع)

5. اخي شكلك ما تعرف السرفس لابد تبديل زيت المحرك كل فتره هههههههههههههههههههههه:rofl:

   ههههههههههههههه ضحكتني يالعميل:rofl:

   وصار لي 5سنين فهالمجال الحمدلله عندنا معرض سيارات وماعرف سرفيس السيارة!!!!!!!!1:ajeeb1:

   بس مثل ماقلت اهم شئ الحذر وفيه طرق لتعرف السيارة اذا غرقت بالمنتدى

Comments are closed.