تحذير مهم للجميع بخصوص سيارات الوارد أمريكا

128 thoughts on “تحذير مهم للجميع بخصوص سيارات الوارد أمريكا”

1. الله يسامحك يا اخوي الحينه عشان قلت راي قلت انا هو سعود عيل كل واحد وقف ضد سعود بعد اقولك ربع ؟؟ السالفه كلها سالفت ابداء راي وراي بالسيارات هوب بشخص سعود بس وحلفتي بالله والله عزيز وبهذا الشهر اني لا اعرف سعود ولا حتى اتصلت فيه مره انا اقولك راي عن تجارب وبس يمكن اتفق ويا سعود ويمكن ما اتفق ويا غيره واتكلم كتوضيح للامر وبس لا ادافع ولا غيره واذا بعدك ما متاكد ولا سدك الحلفان انا تحت امرك مع اني هوب مجبور اوضح اكثر عن جيه والسموحه منك

   واحب اوضح حق كل حد هنيه حتى لا اي ويقول اني اعرف او ادافع عن الاخ سعود اول شي لا معرفه بينا ولا هم يحزنون انا اسمع عن سعود وناس تعاملو مع سعود قبل ما تعرفوه في هذا المنتدى ويمدحون طريقه تعامله بس وهذا الموضوع حبيت اوضح بس انه مو كل السايرات خراب او غرقانه او هذي السوالف فقط لا غير وانا ما ادافع عن شو كتب او شو قال هنيه انا اوضح لكم امور السيارات بس لا غير واذا حد غلط على الريال اقول ليش هذا راي وهذا موقف ما يحتاي الواحد ينظر من طرف واحد يقول يعرف انا وما قلت كل السايرات الامريكه كلها اوكي واقرو عدل شو اكتب

   عفوا اخوي .. انا اسف
   يمكن تسرعت بالحكم

   بس انا شفت الموضوع انحرف وتحول لدعاية (للمصلحة الخاصة)

2. مشكور اخوي بو علي المشكله في ناس تاخذ من الكلام شي وتنسي شي وتاخذ الموضوع على انه دفاع عن شخص مع انه هو توضيح للامور بس واصلا مهما تكلمنا وقلنا الموصفات الخليجيه مو دوم احسن من الوارد ولا الوارد احسن عن الخليجي وانا اتكلم عن معرفه او انها بسيطه بس تكفيني اني اعرف شو الفروقات واصلا مهما تكلمنا ما بنخلص وكل واحد وله رايه

   وهذا اخر رد على هذا الموضوع حتى ما ينفهم اغلط اكثر عن جيه نصيحه بس هيه

   خبره في فحص السيارات ومعرفه فيها وثاني شي راعي المصلحه يعني راعي المعرض يكون راعي ضمير وصدق وامانه هذا اهم الاشياء تتسلح فيها وما حد بيغشك والسموحه منكم اخواني

3. للأسف الموضوع تحول من نصيحه إلى إتهامات متبادله
   ماتوقعتكم جيه والله
   يا جماعه اعتقد اخوي سعود مب الوحيد اللي يبيع سيارات وارد امريكا
   في وايد غيره يبيعون ولكن أعتقد بأن سعود البكر من أنجح الناس في استيراد السيارات الوارده من امريكا
   بس بحكم خبرتي بالعمل بالوكالات بالدولة إكتشفت بأن السيارات الوارده من المانيا او امريكا او من جلعة ابليس فيها مواصفات اقل من السيارات الخليجيه ولهالسبب فاتحين اقسام خاصه للسيارات الوارده للخليج في مصانعهم
   ابسط مثال عندكم المروحة مالت المكينة الخليجي اكبر من الوارد والكمبريسور مال المكيف اقوى عندنا وبعد مروحة الجير اقوى واكبر من الوارد واذا خذيت وارد امريكا او المانيا وتبدل هالقطع راح يختلف عندكم نظام الكهربا مال السيارة لأن القوة تغيرت ولهالسبب راح تحصلون بعض المشاكل من السيارات الوارده مب كلها
   في الخليج عندنا يطلبون مواصفات خاصة من ناحية نوعية الجلد نفسه ونوعية الخشب ودائما يطلبون النوع الفاخر لأن أهل الخليج متعودين على هالشي بعكس الوارد اللي تحصل نوعية الجلد اقل وبعض المواصفات اقل ولهالسبب تحصلون اسعارهم ارخص
   مثال ثاني
   لما تطلب ال Cl500 من المانيا بتحصل سعرها 500 الف وبتقولون ارخص من الإمارات بس ما سألتوا ليش ارخص ؟
   ارخص لأنه اول شي مواصفات المانيه يعني اقل من المواصفات الخليجية وبعدين بدون Amg Kit اللي سعره 32 الف درهم بالوكاله ولهالسبب بتحصلون ال Cl 500 اسعاره بالامارات تبدأ من 565000 الف درهم لأن فيه مواصفات إضافية ونوعية جلد فاخره و Amg Kit

   بالنهايه الموضوع وضع للنصيحه مب لتبادل الإتهامات
   طلب بسيط لو تسمحون من اخوي سعود البكر
   ياليت اذا تبا تحط اعلان تحطه في مواضيعك وما تدخل إعلاناتك في مواضيعي حتى ما يتشتت القارئ

   بالنهايه اي شخص يبا مرسيدس من الإمارات للسيارات يقدر يتصل بي على هالرقم
   2345567/050
   اخوكم
   حسن
   والسموحه من الكل

4. الله يسامحك يا اخوي الحينه عشان قلت راي قلت انا هو سعود عيل كل واحد وقف ضد سعود بعد اقولك ربع ؟؟ السالفه كلها سالفت ابداء راي وراي بالسيارات هوب بشخص سعود بس وحلفتي بالله والله عزيز وبهذا الشهر اني لا اعرف سعود ولا حتى اتصلت فيه مره انا اقولك راي عن تجارب وبس يمكن اتفق ويا سعود ويمكن ما اتفق ويا غيره واتكلم كتوضيح للامر وبس لا ادافع ولا غيره واذا بعدك ما متاكد ولا سدك الحلفان انا تحت امرك مع اني هوب مجبور اوضح اكثر عن جيه والسموحه منك

   واحب اوضح حق كل حد هنيه حتى لا اي ويقول اني اعرف او ادافع عن الاخ سعود اول شي لا معرفه بينا ولا هم يحزنون انا اسمع عن سعود وناس تعاملو مع سعود قبل ما تعرفوه في هذا المنتدى ويمدحون طريقه تعامله بس وهذا الموضوع حبيت اوضح بس انه مو كل السايرات خراب او غرقانه او هذي السوالف فقط لا غير وانا ما ادافع عن شو كتب او شو قال هنيه انا اوضح لكم امور السيارات بس لا غير واذا حد غلط على الريال اقول ليش هذا راي وهذا موقف ما يحتاي الواحد ينظر من طرف واحد يقول يعرف انا وما قلت كل السايرات الامريكه كلها اوكي واقرو عدل شو اكتب

5. انا ترددت بالكتابة لكني متاكد انه
   سعود هو نفسه بن طلقة
   او حد من ربعه
   والسموحة

Comments are closed.