تحذير مهم للجميع بخصوص سيارات الوارد أمريكا

128 thoughts on “تحذير مهم للجميع بخصوص سيارات الوارد أمريكا”

1. جزاك الله خير على التحذير بس يا شباب مو يعني كل سياره غرقانه اللي اييبونها من اريكا تراه فيها الزين بعد وفيها الشين يعني مو من سنه وسنتين او ثلاث الناس تشتري وارد امريكي من زمان ولين الحينه عندهم وفيها منها بس اللي غرقان وطلعت مشاكله فالريال يوم نصح قاعد انكم تتنبهو على ما اعتقد مو قاصد ان كل السيارات غرقانه والسموحه

2. بصراحة كنت ناوي اشتري سيارة بس بعد هذا الكلام

   مستحيـــــــــــــــــــــــــــــــــــــــــــــ ـــــــــــــــــــــل

   مافينا على السيارات الطبعانة

3. If you want to know if the car has flood damage or salvage ( wrecked) or accident history go to http://www.carfax.com and enter the VIN number, i know they charge $24 to check put it is worth it if you are planning on buying one.

   good luck

4. مختصر الحديث الي بيشتري سيارة وهو يعلم كل العلم بأن السيارة غرقانه وعلى علم بكل ما حصل للسيارة فهو حر ويتحمل نتيجة تصرفاته وافعاله

   اما من يشتري سيارة على اساس انها جديدة وهي العكس فهذا لا يجوز وانا شخصيا ما ارضى اشتري سيارة وهي غرقانه حتى لو غرقت بماي زمزم

   فعلا اخوي كلامك صحيح

   اهم شي ان الإنسان يعرف كل شي عن السيارة اللي بيشتريها

   لكن للأسف أصحاب المعارض ماراح يقولون لك بأن السيارة تهرب آيل أو مدعومه او مصبوغه

   همهم البيزات يبيعون ويستفيدون واللي بيتبهدل المشتري

   والله يعين

   تسلم على مرورك

5. اخوي لو تبا تعرف اذا السياره غرقانه ولا لاء
   بعلمك طريقه سهله

   حط ايدك تحت الكرسي على الحدايد اللي تحت الكرسي لو شفت اثار صدا على ايدك يعني غرقانه ولو مافي شي يعني مب غرقانه

   هذه اسهل طريقه لاكتشاف السيارات الغرقانات وفي طرق اخرى

   تسلم ياخوي على هالمعلومه

   بس في نفس الوقت الأمريكان مب مقصرين

   يعرفون كيف يخفون آثار الصدأ من سياراتهم

   يعني تشوف السيارة بتتحسبها يديده

   بس ماراح تعرف عيوبها الا عقب فتره

   حتى عندنا بالمعارض والسيارات المستعمله نفس الحاله

   تشوف الموتر يلق ويديد بس تشتريه وتستخدمه كم من يوم وراح تكتشف عيوبه

   ومثل ما قلت في طرق وايد راح تخفي آثار الصدأ يمكن البعض يعرفها ويمكن البعض ما يعرفها

   ياليت ياخوي اذا تعرف بعض الطرق الأخرى انك تنورنا وتخبرنا حتى ناخذ حذرنا

   والسموحه منك

Comments are closed.