بسم الله الرحمن الرحيم
قبل كم من يوم شفت برنامج يتكلم عن السيارات الأمريكية وغرقها بعد إعصار كاترينا
500.000 الف سيارة غرقانه في امريكا وتم اعاده صيانتها وبيعها من اول ويديد كسيارة جديده او مستعمله بقيمه مغريه ورخيصه للغاية بدون إعلام المشترين انها من السيارات الغرقانه .
بعد تحليل وفحص بعض السيارات الغرقانه اكتشفوا بأنها خطر على حياة السائق والركاب لأنها تفتقر إلى مقومات السلامة الضرورية وأيضا تهدد سلامة الآخرين وعمرها الإفتراضي اقل بكثير عن السيارات الأخرى
وفي عدة قضايا مطروحه الآن على ساحات المحاكم الأمريكية لأمريكان اشتروا سيارات من الأصل كانت غرقانه وما اكتشفوا هالشي الا عقب فتره وطالبوا بفلوسهم بس الشركات رفضت إعادة السيارة فلجؤا للقضاء
للعلم يا جماعه البرنامج أمريكي يعني مب عربي وكان معروض في قناة ABC NEWS
اللهم بلغت
اللهم فأشهد
اخوكم
ابو شوق
الصرااااحه موضووووووع مهم للنقاااااش..
الامريكيه في قفص الاتهااام..
الحر الموجود بأمريكا صيفا أكثر من حر الخليج العربي
وجميع السيارات المورده من أمريكا ما يبالها تبديل راديتر ولا أي شئ
ومواصفاتها أفضل من مواصفات الخليج
وأسعارها أرحم من قصب الوكلاء في الخليج
فالوكلاء ومعارض السيارات مبالغين بنسبه الفائده في كل سياره يبيعونها
والدليل الرنج السبورت 2006 ينباع في الوكاله بأمريكا ب 225000 درهم أماراتي
وفي الامارات ينباع ب 280000 درهم أماراتي
الفرق بين البلاد اللي جوها بارد وحار الرديتر في الجو بارد صغير الحار كبير وفتحات اكثر هذا اول شي وثاني شي الثيرمو ستات او اللي عندنا يسموها البويه ويمكن الحينه ماشي فروقات في بعض الموديلات اما عن قطع الغيار نفس شي موديلات ي فرق واشياء بسيطه مثل البلكات وفي الحينه اصلا محلات يبيعون قطع غيار وارد وسكراب وحتى كراجات يعني لو بتغير بتغير شي بسيط مو الشي اللي اللي يسوي فرق في القيمه وايد واخوي دار زايد يزاه الله خير حب يوضح خطر الغرقانه من السيارات يعني لازم تكون تعرف البايع ويكون ثقه والسموحه
انا كمجرب للسيارات الوارده مانصح فيها……والمثل يقول اسال مجرب ولاتسال طبيب …..يا جماعة الخير كل سياره مصنوعه على حسب مناخ جغرافية منطقتها بغض النظر عن سعرها فسعرالتعديلات الي بتصير على السياره الوارده بتكون قريبه من السياره المحليه اذا ماكانت اكثر….انا عن نفسي غلط غلطت العمر يوم شريت سياره وارده من امريكا على اساس ان مواصفاتها احسن بس اطلعت البيعه علي اغلى من سعر السوق فقيمة تصليحاتها اطلعت على اغلى من سعرها في الوكاله عندنا…هذي نصيحه من اخو الي يبي ياخذ فيها يزاه الله خير والي مايبي على راحته بس لايقول محد نصحني….
جزاك الله خير على التحذير بس يا شباب مو يعني كل سياره غرقانه اللي اييبونها من اريكا تراه فيها الزين بعد وفيها الشين يعني مو من سنه وسنتين او ثلاث الناس تشتري وارد امريكي من زمان ولين الحينه عندهم وفيها منها بس اللي غرقان وطلعت مشاكله فالريال يوم نصح قاعد انكم تتنبهو على ما اعتقد مو قاصد ان كل السيارات غرقانه والسموحه
شكرا لبن طلقه هذا التوضيح ومن سعود البكر لك أطيب تحيه