السلام عليكم
اخواني حبيت انبهكم من واحد يدعي بانه بريطاني بس رقمه نيجيري يوم خبرته عن فتح الخط قال نحن نحول الارقام المهم اللي عرفته انه نيجيري
اظن انه في واحد في بريطانيا واثنين في نيجيريا
انا طلبت عنه كم تلفون وكم لابتوب
استغربت من كثر جذبه وكثر سؤاله عن الفلوس كل يوم يي ويقول ادفع مال هذا وادفع الباقي
احين طرشتله تقريبا 8000 درهم وماطرشلي شي للحين و يقولي طرش 1000$
اسمه hameed barud
انا احذر اي واحد يشوف اعلانه يلبسه
وهذا رابط فيه كل شي عنه
FOR SELL:NEW IPHONE 3G S 32GB…$300/Sony Ericsson Satio (Idou)….$400 – منتدى الإمارات الاقتصادي
وهاي صورة الرخصة المزورة مالته
وهاي صورة رخصة ربيعه الثاني 
واسمحولي عالاطالة
بس حبيت انبهكم عسبت ماينقص عليكم مثل مانقص علي
..
لو سال ياخوي قبل ماتتورط مع هالناس
لان من فترة كان منزل موضوع بالمنتدى نفس الشي والكل قال انه نصاب
الله يعوضك ياخوي
مشكووور ياخووووي على تحذيـــركـ
والله مابيضيع حقكـ ياخوووووي
تبا الصراحة انا كنت حاط ثقتي فشرطة دبي
قلت اذا سرق البيزات وين بيروح بيزخونه وبيردون البيزات بس للاسف طلع العكس
الله يهديك .. كيف يقض عليك .. بمجر ما تعرف انه من نيجيريا .. انسى الموضوع