تحذير هااام لاصحاب التواير 900 ارجوا الدخول لسلامتكم

الــــــــــــسلام عليكم والرحمة الله وبركاته

الكثير منا يحب الاطارات ( التواير ) 900 وانا واحد منهم اكثر عن 12 سنة وانا اركب على جميع مواتري هالتواير ولعدة اسباب للمظهر او للرمله او ……………الخ

من ثلاث شهور ركبت تواير 900 مقاس 17 نوع ( مالوان ) يداد وحتى تاريخ التواير كان 2010 وربيعي بعد ركب نفس اليوم بس انا في محل وربيعي في محل ثاني

بس الصدمه كانت اليوم بالصدفه شفت التواير عالموتر متشققات وشق عميق ( مطروره) استغربت وتميت اطالع كل التواير الاربعه حلصتهم كلهن متشققات مع اني ما اطلع بالموتر وايد الا في المدينة

واكتشفت بان هالتشققات طبيعيه من التاير نفسه يعني مب سوء استخدام او مشيت على طرقات غير صالحة او مستويه مثل كتش او طرقات جبلية ………الخ يعني العوق والخلل من التاير نفسه

وانا الله يهديني يوم ركبت التواير ما خذيت فاتورة لان المحل دوم اتعامل وياه ( صناعية العين ) والمحل معروف اسمه ( ابو …….)

المهم قلت بسير المحل الي ركبت من عنده التواير ويوم سرت راعي المحل شاف التواير قالي صدق العوق من التواير وقالي اكثر عن واحد حصلت معاهم هالمشكله وعطاني تواير يداد

الموضوع طلع بان التواير 900 يوم يظهرن من المصنع لازم يتخزن اقل شيء 6 شهور علشان التاير يمسك نفسه ويتصلب عدل

واذا التاير ما تخزن بمدة كافيه وركب عالموتر على طول بيتم لين ويتشقق بسرعه

وصحاب المحلات ما يهتمون ما ينظرون الى هالنقطه اهم شيء بانهم يبيعون والفايده فقط

نصيحتي للاخوان الي مركبين تواير 900 في الثلاث وخاصة الي مركبين تواير بتواريخ 2010 التاكد من صلاحية التواير واخذ الفاتورة الضمان على طول في حال تركيب تواير يديدة

وربيعي بعد الي ركب التواير وياي بنفس اليوم عنده نفس المشكله بس اقل شوي قال بعد يومين بيسير المحل الي ركب التواير من عنده هههههه الله يعيينه برايه جان الايراني بيدق التاير على راسه

( كلمة اخيرة ) صدقوني لو راعي المحل ما بدلي التواير ما اقدر انطق حتى كلمة ليش

1 .اولا ما عندي فاتورة الضمان
2. وثانيا اولاهم مافي قانون يردعهم لا حماية مستهلك ولا غيره والجماعة لاعبين لعبتهم على ظهورنا

اتمنى الفكرة وصلت للجميع

السموحه بوعبدالله