بسم الله الرحمن الرحيم
فبل فتره اشتريت ثريات من السوق الصيني عدد كبير يعني حق الفيلا كلها بما انها فيلا جديده
الثريات احجتمها كبيره يعني كلفتني سعر مب اشويه بس الصينيين ماشالله عليهم معروفين بالتقليد الغش المهم من كم يوم وحده من هالثريات طاحت وسوت زلزال في البيت والله ستر ما طاحت على حد وخاصة الخدامه كانت جنب الثريا
بالاول ظنيت ان الخطا من التركيب في السقف بس بعدين اكتشفت ان السلسله مال الثريا نفسها تتكسر لانها ما تستحمل الوزن.
الحين شليت كل الثريات تقريبا عددهم 10 وفريتهم في الزباله…
انا متاكد ان ناس وايدين شارين مثل هالثريات من السوق الصيني وانا انصحهم يغيرونهم قبل ما يستوي شيء.
عن نفسي خلاص حرمت اشتري شيء من عندهم لا بضاعه درجه اولى مثل ما يقول ولا درجه مليون
.
الله يغربلهم ويا بضايعهم.
الحمدالله على السلامةاخوي ، المصيبة ان ثلاثة ارباع السوق عندنا صيني سواء كان في السوق الصيني ولا المحلات التجارية الخاصة.
يمكن حظج حلو بس انا 90 بالمائه من الاغر اض الي اشتريتها عندهم ظهرت فيها مشاكل ولو عقب فتره.
والحين خلاص نادر ما اشتري عندهم شيء
اما اشياء مثل الالكترونيات والاثاث خلاص ما اشتري عندهم.
أكيد اخوي عقب هالدرس ما شيء غير الاصلي وانا حاط الموضوع عشان الناس تاخذ حذرها.
وعن الخشب تراه حتى الخشب كله مغشوش عندهم ما عدا السيراميك اعتقد ما قدروا يغشون فيه عدل