السلام عليكم
جماعه انا أحذركم تراني تعرضت للنصب من عضوه اسمها عهود في المنتدى
تحيدون الموضوع اللي كانت منزلتنه عن المواتر و الخصومات اللي تيبها عليهم(ستيشن لكزس)
كله طلع نصب و طلعوا عصابة نصابين و للاسف خذوا مني شيكات و صرفوهم و اختفوا
و يوم سرت اصرف شيكات الضمان طلع ما شيء رصيد و الموضوع حاليا في مركز شرطة بر دبي
طلعوا عصابه و الادهى و الامر انه وحده من العصابه موقوفه في مركز المرقبات و تزاول مهام النصب من هناك
أنا خبرتكم عشان الجماعه اللي تورطوا يتلاحقون على عمارهم و يبلغون
و ياليت حد يقدر يوصلني لصاحب المنتدى لاني كتبت له رساله و ما رد لين الحين
حقك بيرجعلك ان شاء الله …
ونتمنى ان يتم تطهير المنتدى من النصابين …
أتمنى من الأعضاء الحذر في التعامل مع الآخرين عبر الانترنت ,
إن شاء الله ترجع لكم حقوقكم ..
هييه عيل هذي سوالف شيك الضمان اللى ما صار مضمون يلا شباب لازم نفتح كل الملفات ونسأل عن كل واحد يقدم عرض في المنتدى ويقول بعطيك شيك ضمان وما ادري شوو
الدنيا تغيرت
اونه يقول انت ولد البلاد ولازم نراعيك
الله يعينكم يا شباب
قولو حسبنا الله ونعم الوكيل