السلام عليكم
جماعه انا أحذركم تراني تعرضت للنصب من عضوه اسمها عهود في المنتدى
تحيدون الموضوع اللي كانت منزلتنه عن المواتر و الخصومات اللي تيبها عليهم(ستيشن لكزس)
كله طلع نصب و طلعوا عصابة نصابين و للاسف خذوا مني شيكات و صرفوهم و اختفوا
و يوم سرت اصرف شيكات الضمان طلع ما شيء رصيد و الموضوع حاليا في مركز شرطة بر دبي
طلعوا عصابه و الادهى و الامر انه وحده من العصابه موقوفه في مركز المرقبات و تزاول مهام النصب من هناك
أنا خبرتكم عشان الجماعه اللي تورطوا يتلاحقون على عمارهم و يبلغون
و ياليت حد يقدر يوصلني لصاحب المنتدى لاني كتبت له رساله و ما رد لين الحين
اختي عهود
يارييت توضحيلنا موقفج اختي
ياريييت
اختي الريال الحين ما بيتواصل الا مع الشرطة
انا فاهم من كلامك انك تريدين تثبتين برائتك والدليل رجعتك للمنتدى عقب كل اللى صار
مع احترامي لك
الريال اللى تقولين عنه انه خالك طلع نصاب
وانتي الحين ما دافعت عنه
لكن السؤال الكبير؟؟
ليش ما تأكدتي من كلامه قبل لا تطرحين موضوعج
انتي اقرب شخص وانتي وسيطة
المفروض يكون عندك علم كامل عن وجود الشيء المعروض للبيع
اتمنى نم الاخوة الاعضاء انهم ما يقذفون اي شخص كان الا على بينه
اخوي صاحب الموضوع عانك الله على بلوتك واتمنى ربي انها تنفرج عليك اخوي الكريم
تمنيت انه موضوعك هذا لو كان بعد ما تثبت التهمه على العضوه اللي ذكرتها
لانه اخوي الكريم نفس هذي الامور تسبب حساسيات كبيره وفي نفس الوقت تعطي ايحاء لباقي الاعضاء انه يشكك في الاخرين حتى من منطلق تأخير حاصل او من منطلقظروف غير محسوبه حصلت .
على العموم اتمنى لك التوفيق وانه حقك يرجعلك في اقرب وقت ممكن
السلام عليكم ورحمة الله وبركاته
أتمنى من الاخ اللي طرح الموضوع..
أنه يتواصل معاي بأقرب فرصه ممكنه..
وأنشاء الله إذا هم ماردوله حقه انا بروحي بردله حقه..
الغالى حطة العين هذى هداية من ربك ماهيب منك اقولك هالكلام لانه بعد تعرض لمحاولة نصب وهداني ربي اني اتصل بواحد قبل ما اسوي الصفقة وكنت بنسجن بسببها احمد الله