السلام عليكم
جماعه انا أحذركم تراني تعرضت للنصب من عضوه اسمها عهود في المنتدى
تحيدون الموضوع اللي كانت منزلتنه عن المواتر و الخصومات اللي تيبها عليهم(ستيشن لكزس)
كله طلع نصب و طلعوا عصابة نصابين و للاسف خذوا مني شيكات و صرفوهم و اختفوا
و يوم سرت اصرف شيكات الضمان طلع ما شيء رصيد و الموضوع حاليا في مركز شرطة بر دبي
طلعوا عصابه و الادهى و الامر انه وحده من العصابه موقوفه في مركز المرقبات و تزاول مهام النصب من هناك
أنا خبرتكم عشان الجماعه اللي تورطوا يتلاحقون على عمارهم و يبلغون
و ياليت حد يقدر يوصلني لصاحب المنتدى لاني كتبت له رساله و ما رد لين الحين
عفوا اخوي انا ما قلت عهود مسجونه؟؟
انا قلت في طرف ثالث غير عهود و خالها و هي حرمه كانوا يشبكوني وياها عالخط أونها من طرفهم و اونها هي اللي تيب الخصومات اسمها العنود صالح و هاي اللي اكتشفت لاحقا انها مسجونه في المرقبات
صدقت اخوي مافيا
وفي عروض مغريه من بعض الناس .. لكن يجب ع الاخوه التنبه والاستفسار من جميع النواحي ومعرفه مالهم وماعليهم … الشيك يا اخون ماصار شي يضمن حقك عدل هاليومين …
لازم تكون بالاضافه له في عقود توضح المواضيع هذي
ويعطيكم العافيه
مصيبتنا يا اخوان هي الثقة الزايدة لكل الناس
اي واحد يحط عرض مغري يحصل تلفونه استوى بدالة
وهذا كله من قلة الخبرة
هذي فلوس يا اخوان ما لقيناها في الشارع
كلامك صحيح اخوي
فالاخير .. نتمنى ان الامور تنحل
لان هالشي يهز الثقه في اعضاء ثانيين كذلك
وشي يعور القلب ان تتم مثل هالاشياء ..
والله كريم
النصابيين وايدين مره واحد نك نيمه البطين نصاب بلقو يصور سيارات الناس ويعرضها في المنتدى للبيع