السلام عليكم
جماعه انا أحذركم تراني تعرضت للنصب من عضوه اسمها عهود في المنتدى
تحيدون الموضوع اللي كانت منزلتنه عن المواتر و الخصومات اللي تيبها عليهم(ستيشن لكزس)
كله طلع نصب و طلعوا عصابة نصابين و للاسف خذوا مني شيكات و صرفوهم و اختفوا
و يوم سرت اصرف شيكات الضمان طلع ما شيء رصيد و الموضوع حاليا في مركز شرطة بر دبي
طلعوا عصابه و الادهى و الامر انه وحده من العصابه موقوفه في مركز المرقبات و تزاول مهام النصب من هناك
أنا خبرتكم عشان الجماعه اللي تورطوا يتلاحقون على عمارهم و يبلغون
و ياليت حد يقدر يوصلني لصاحب المنتدى لاني كتبت له رساله و ما رد لين الحين
لاحول ولا قوة لا بالله العليم العظيم
الله يرجع افلوسك يا اخوي
الله يكوون في عوونك..
الله ماضيع حق ..
الله ويااك
يزاك الله خير,
هل معقول اهتماننا بالمظهر او الزينه يوصلنا لها الدرجه من الاستهتار في مالنا؟؟
ما تذكرون يوم سألو احمد عبدالقادر ليش سويت الي سويته؟ شو قال؟؟ قال الناس كانت اتيني واتحط فلوسها ولا تسأل, بس المهم ارباح ارباح!!
ماننسى قول الله سبحان “ومن يتقي الله يجعل له مخرجا ويرزقه من حيث لا يحتسب” صدق الله العظيم
وقوله عليه الصلاه والسلام “لو انكم توكلون على الله حق توكله، لرزقكم كما يرزق الطير, تغدو خماصا وتعود بطانا” يعني تسرح الصبح يوعانه وماتعرف من وين رزقها بييها وترد المسا شبعانه.
يمكن الكثير يشوفون هالكلام مثالي, وهو صح مثالي لان من عند ربنا سبحانه وهو المفروض يكون, مب الي انشوفه الحين.
اصبحنا صدق مطمع لكل غريب وقريب هدفه الربح, بس اغلب العيب فينا نحن, قبل كان الواحد الي يبا يكشخ ياخذ سياره غاليه بس الحين الي يبا يكشخ يشتري سياره بعدها مانزلت, ولانها مانزلت وهو اول واحد, بيدفع 100000 درهم زياده, هل فعلا هذا التميز؟؟
واختم بحديث في معناه ” والله ما الفقر اخشي عليكم, ولكن اخشى ان تفتح عليكم الدنيا كم فتحت على من كان قبلكم, فتنافسوها كما تنافسوها, فتهلككم كما اهلكتهم” ارجو التفكر في هذا الحديث الي هو نبؤه للي صاير الحين, عسى ولعل ربنا يهدينا لطريق الحق.
السموحه يا اخوان عالاطاله والسموحه من الجميع اذا كان فيه استطراد او خروج من الموضوع
مثل ما اقول اخوي بوسعود مال الحلال ما يضيع بس اصبر اشوي وانشا الله تتيسر امورك وها النصابين بياخذون جزاهم عدل . وزين سويت انك طرحت الموضوع
وين إدارة المنتدى ؟؟
ماشفت منهم تعليق ؟