السلام عليكم و الرحمه …
كنت و لا زلت ادور لكسز ال اس 430 موديل 2004 و فوق و بالصدفه حصلت الاخ
اللي فدبي مون شوفوا شو كاتب عن سيارته :
نوع العملية: للبيع
الحالة : مستخدم
النوع : 430 لا يفوتكم
سنة الصنع:2005
الوصف: لكزز 430 اللون لولوي من الدخل بيج. وماسي 130ك. بحاله الوكاله من الخل والخارج. الكراسي حار وبارد شاسه وسي دي + كاسيت وستاره خلفيه وثبت سرعه وبلوتوث. ونفيقيشن. حساسات + كيمره خلفيه. لا دعمه ولا صبعه السياره وارده أمريكي ومسولها سيرفس كامل ومبدل تواير يدياد وبديها نظيف ممتازه. يعني ما بتحط عليه ولا درهم وسياره حليووه وااااااايد وخذها وذها أي مكان من يومين فاحصنها في دبي أتمني من الاخوه جاإاإذين فقط”
السعر: 105000
رقم الهاتف: 0504241818
و طلع كله خريط و جذب و واحد مادري يتحرى الناس حمير بيشترون السياره و هم مغمضين …
قالي تعالي الشارجه و بتلقى اوراق التسفير و الفحص و كل شي ما عليك غير انك تدفع و اتشل الموتر …. قلت و نعم فالريال .. و عقب طلب مني عربون و عطيته و يوم ييته الشارجه و ضربت له خط من الصبح ياني على الساعه 11 و شفت السياره مكسره و مدقدقه و حتى وقفتها مب صاحيه …
و شوي و جان يلبسني و انا ما ادل شي فالشارجه و ناش من الصبح و مب متريق و يوعان و سار يرقد و عقب دقيت له بغيت احسسه على دمه اشوي و قالي انه بينزلي الف درهم ههههههه الف يونه عاد سوا المستحيل ريال اييك على بعد 250 كيلو و اخر شي اتنزل 1000 درهم المهم قلت يمكن ظروفه و عقب وداها الفحص العادي قلت له لا بنوديها الشامل و يوم خلصت من الشامل طلعن بلاوي
1- السياره مدعومه من جدام
2- كراسي المكينه مكسره
3- الجامبيلين رايحات
4- البمبر مصبوغ
5- البيبان مصبوغه و صبغتهن اي كلام يعني الموتر اصفر من صوب و من صوب ابيض
6- الرنقات تجاريه
7- البريك سستم دامر
و يوم قلت له هذا هوه الموتر اللي صبغه وكاله ؟؟ قالي و الله انا ما اعرف عنه شي كيف موترك و ما اتعرف عنه شي
هههههههه اتحذروا منه يا جماعه الخير …….
و الله و نعم بهل الشارجه كلهم بس ها مادريبه …. حاله شاذه
سبحااان الله الناس صارت تكذب من شان 1000 والا 2000
المفروض الشخص يفحص ولاياخذ بكلام الشخص
انا صار لي موقف في بوظبي واحد كلمته من شان انفنتي يقول البمبر مصبوغ بس قلت له اوكي مو مشكله يوم جيت له البانه وكلش مصبوغ ليه الكذب والاحتيال ع المسلمين
الله يكفينا وياك شر هؤلاء الفئة
السلام عليكم
تحذير لجميع الاخوان
بعض النصابين يعرض سياره للبيع ويحطلك موصفات ولا في الخيال مثل bmw 745li _2004
ب40000درهم
ويجط رقم الemailماله يروح الشخص ويطرشله emailيبا رقم تلفونه ويرد عليه
انا الحين خارج الدوله والسياره موجوده في دبي واذا تريدها ادفع عن طريق الحوالات بebay وبطرشلك العقد
يتضح بعدين ان العقد الebay تفسه بضبط ولكن مغشوش وتروح لفلوس
وهذا موجود بكثره الحين في الموقع الي مكتوبه بالانجلزي
اتمانا انا الوحد ما يغره السعر
وبتوفيق للجميع
ياخوي هذول منهم الكثير في كل الامارات من المواطنين ومن الخليجيين والزلمات والعراقيين
وطبعا في الزين وفي الشين وكل واحد ونصيبه
والفحص الدقيق مهم ولا تغتر بكلام اللسان لان 80 % قي الميه من التجار نصابين ولازم الواحد فيهم يكذب علشان يمشي البضاعه ولو كذبه بيضه
وطبعا هذا الشي من كلام التجار لازم اشوي يعني أقل تاجر عند كذبه بيضه
المدح شي
ويووم اتي ع الواقع شي
ثاني
اهم شي رد لك عربونك
وخل السياره له
الدنيا فيها الزين والشين
ان شاء الله تلاقي لك السياره
اللي فخاطرك
موفق بإذن الله … لك مني أجمل تحية .