السلام عليكم ورحمة الله وبركاته
اخواني وخواتي أعضاء المنتدى الكرام سمعت من فترة من بعض الشباب انه توصلهم مسجات من ارقام مايعرفونها بأسماء اشخاص مايعرفونهم ويطلبون منهم تحويل رصيد لتليفوناتهم وعند الاتصال بالرقم اللي طرش الرسالة محد يرد حتى عند الاتصال بأرقام مختلفه يعني الموضوع فية نصب وتوه قبل شوي وصلني المسج ومكتوب فية
(صباحك ورد أنا 00000 حولي رصيد واتصل ضروري فديتك. انا فالدوحة عند عمتي وباجر بكون فالدوله..هذا اخر مسج بيقطع طرش اترياك)
بس حبيت احذركم من هالنصابين وشو التصرف الصح اللي المفروض الواحد يسويه في مثل هالحالة
انتظر ردودكم
بأختصار بلوك وديليت
يعني أكبر طاف ولا تعبر
وشكرا ع التنبيه
الله يغربلها ادور هاي جي ما يزوجونها اهلها ونفتك من صدعتها
ثلاث مسجات وصلتني لين الحين،،، اونها في البحرين،،، و أونها مادري شوووووو
والله ماصخين ،،،، نصب في نصب على قفا الساذجين
جزاك الله خير على النصيحه
يتصلون علي بنات من دولة مجاورة بمجرد سماعهم صوتي يغلقون الهاتف
لأنني لم أكن من المقصودين من الرجال ليتم التحايل علي او الدردشة معي بالابتزاز .
مقولة : طالما هناك مغفلين فالنصابين بخير