عندي لكم تحليل اليوم بس من نوع ثاني لوووووووووول
طبعا مثل ماتعرفون انه رياض كمال له 10% من اسهم اربتيك
يعني وقت تاسيس الشركه كانت اسهمها 500 مليون سهم وال 10% لرياض كمال تكون 50 مليون سهم وتساوي 50 مليون درهم يوم كان السهم بدرهم عند التاسيس
انزيييييييييييييييييييين
يعني رياض كمال قبل 6 شهور يوم كان اربتيك ب 19.90 درهم ثروته وصلت مليار درهم يعني 1000 مليون تقريبا وصار ملياردير بس من اسهم اربتك
وقبل شهر تم توزيع 100% اسهم منحه يعني رياض كمال صار عنده 100 مليون سهم بدل 50 مليون سهم
طبعا خلال هالفتره ووصول السهم لسعر 0.71 فلس قيمه اسهم رياض كمال 71 مليون درهم من عقب المليار درهم
الصراحه قهر كفو عليه ما انتحر 
الحين شو تتوقعون الارباح بتكون لعام 2008 خلال اعلان التائج في الاجتماع باجر؟ اذا حسبنا انه مليار سهم في الشركه ؟؟؟؟؟
هل تتوقعون مليار درهم الارباح ؟ يعني لكل سهم درهم عشان جي وزعوا 100% اسهم وبتكون القيمه العادله للسهم 10 درهم 
هذي ليست دعوه للشراء او للبيع ولكن اجتهاد لووووووووووووووووووول
يا جماعه اسولف بس كنت يالس ملان وحسبت كم وصلت ثروه رياض كمال قبل 6 شهور وكم صارت الحين جان انقهر
فقلت اكيد هو منقهر بعد والمؤسسين الي وياه ومجلس الاداره مالهم ولزم بيسون شي يرجعون فيه خسارتهم
ولا تنسون اخر تصريح لرياض كمال يوم قال ارباح 2008 تم اغلاقها ومراجعتها وماتدخل في المشاريع الي انلغت هاي السنه
فانتوا شو رايكم 
وشو تتوقعون في الاجتماع الي بيعلنون فيه الارباح غدا ؟
لحد يقول ما بيكتمل النصاب 
والله اخوي لو ماتكد من شي جان سويت الي مايستوي
بس الواحد ما يضمن عمره يعيش لين باجر وكل شي بيد الله سبحانه
بس انت وتقديرك للسهم وارباحه بدون عواطف شوف اذا تشوف عمرك مقتنع فيه بها السعر ماعليك من شي (ولا تنسا شوف انت بكم ماخذنه وغيرك ماخذين ملاين الاسهم بكم) لا تتوقع بيبيعون ب 10% من قيمته الا الي مزنوط
لو مارتفع زياده احسب عمرك مستثمر لانه ارباحه تسوا
يعني في كل الحالات انته انشالله مب خسران
وبعدين بقولك شي ترا ان ارتفع اربتك بيرتفع السوق وان نزل بينزل السوق كامل
لا تتوقع انك اذا ماخذته بتاخذ شي ثاني لانه هو الي استوا مسيطر ولو لاحظت اليوم من يرتفع كم فلس ارتفع السوق كامل ومن يهدي نزلن باقي الاسهم
وتقدر تقتنص فرص في اسهم ثانيه مربوطه وياه مثل سوق دبي
وخلك مراقب الاسهم الي ماخذت حقها
انا اشوف الاتحاد العقاريه ارتفعت من كم يوم من 0.57 الى 0.84 وبدون محد يحس بس يوميا 5 فلس زياده وصار تداول بال 15 مليون سهم عليها يعني في شغل ياي بس تحذر من كل سهم وراقبه عدل وشوف نسبه التداول والعروض والطلبات
انا الصراحه الاسهم الي عندي ما فرطت فيها
بس ادخل واطلع كل يوم من غير اسهمي
والله يوفقك
uae creative انت شورايك بالسهم انا بعته من كم يوم ورديت واشتريته اليوم 1.87
تعتقد بيكمل صعود والسموحه