عندي لكم تحليل اليوم بس من نوع ثاني لوووووووووول
طبعا مثل ماتعرفون انه رياض كمال له 10% من اسهم اربتيك
يعني وقت تاسيس الشركه كانت اسهمها 500 مليون سهم وال 10% لرياض كمال تكون 50 مليون سهم وتساوي 50 مليون درهم يوم كان السهم بدرهم عند التاسيس
انزيييييييييييييييييييين
يعني رياض كمال قبل 6 شهور يوم كان اربتيك ب 19.90 درهم ثروته وصلت مليار درهم يعني 1000 مليون تقريبا وصار ملياردير بس من اسهم اربتك
وقبل شهر تم توزيع 100% اسهم منحه يعني رياض كمال صار عنده 100 مليون سهم بدل 50 مليون سهم
طبعا خلال هالفتره ووصول السهم لسعر 0.71 فلس قيمه اسهم رياض كمال 71 مليون درهم من عقب المليار درهم
الصراحه قهر كفو عليه ما انتحر 
الحين شو تتوقعون الارباح بتكون لعام 2008 خلال اعلان التائج في الاجتماع باجر؟ اذا حسبنا انه مليار سهم في الشركه ؟؟؟؟؟
هل تتوقعون مليار درهم الارباح ؟ يعني لكل سهم درهم عشان جي وزعوا 100% اسهم وبتكون القيمه العادله للسهم 10 درهم 
هذي ليست دعوه للشراء او للبيع ولكن اجتهاد لووووووووووووووووووول
يا جماعه اسولف بس كنت يالس ملان وحسبت كم وصلت ثروه رياض كمال قبل 6 شهور وكم صارت الحين جان انقهر
فقلت اكيد هو منقهر بعد والمؤسسين الي وياه ومجلس الاداره مالهم ولزم بيسون شي يرجعون فيه خسارتهم
ولا تنسون اخر تصريح لرياض كمال يوم قال ارباح 2008 تم اغلاقها ومراجعتها وماتدخل في المشاريع الي انلغت هاي السنه
فانتوا شو رايكم 
وشو تتوقعون في الاجتماع الي بيعلنون فيه الارباح غدا ؟
لحد يقول ما بيكتمل النصاب 
انا لا املك بالسهم .. ولكنه فرصه للمضاربه … لمت داون السوق كله افضل ..
والله انك لعبتها صح يالكنج
اول مره تقول شي صح
دخلت اشوف النسب انصدمت كيف لعبوها الاجانب صح
نسبه الاسهم المملوكه حاليا:
اسم الشركة—— تاريـــــــــــــــخ——– محليـون*—— خليجيون—— عــــرب—– أجــــانب—- المجموع
أرابتــــــــــــك—— 12/02/2009—— 55.45%—— 11.89%—— 6.59%—– 26.07%—- 100%
نسبه الاسهم المسموح بامتلاكها:
اسم الشركة—— بلد المنشأ——– محليـون*——– خليجيون—— عــــرب—— أجــــانب—– المجموع
أرابتــــــــــــك——الامـــــــارات—— 100.00%—— 49.00%—— 49.00%—– 49.00%—- 100%
حاليا المحليــــــــــــــون : 55.45%
الغير محليون مجموعهم : 44.55%
باقي 4.45% وتتسكر نسبه الاجانب
يعني باقي 48 مليون سهم وتتسكر نسبه الاجانب
تداول نص ساعه
كيف لعبوها ماعرف بس الله يسامح الي فرط بالسهم من العرب والخليجين والمحليون خلو نسبتهم ترجع ترتفع على اسعار نازله
وانته ياكنج الحين طلعت تقول ؟؟؟
وينك يوم السهم يصعد وانت تقول لا تشترون الشركه خسرانه ؟؟؟
وبكل …… ياي تقولنا بعد
لا حول و لا قوة الا بالله ، السهم شكله راح وطي و بكره أبو الليمت داون في أرابتك … طيب كنج تكفى أجلها شوي الرشة اللئيمة هذي …..
لا انا ما اقصد عندك حساب في مباشر اقصد الي انته فاهمنه والي الاعضاء يقولونه لك دووم
واليوم تمدح ؟؟؟؟؟؟؟؟؟
ذميته وطار السهم
اليوم مدحته الله يعين شكله لمت داون باجر لووووووووووووووووووول
نورت الموضوع
كيف عرفت … لدي حساب فى مباشر و ….. و …… و ……
النسخه القادمه لمباشر فقط لكبار الشخصيات وبدون باسورد بيع وشراء … الشيل والرش ماركت
ارابتك عند اقفال نسبه الوافدين يعزز صعود السهم .. تذكرون من 6 الى 20 …
الاحد فرصه للشراء ….