تحويل الفلل الى شقق الرجاء الدخول للاهمية

19 thoughts on “تحويل الفلل الى شقق الرجاء الدخول للاهمية”

1. السلام عليكم ,,, اولا اشكر الاخ صاحب الموضوع واللي بصراحه اثلج صدورنا بهالموضوع اللي الكل تقريبا يعااني منه ,,انا مستغرب من الاخ المسثمر الظبياني ,,ياخي الله يزيدك من رزقه بس لا تعقب على موضوع وتنفيه وانته اصلا سبب رئيسي في المغالاة والتخبط اللي صاير بسوق العقارات خاصة في بوظبي,,هذا طبعا اذا فعلا عندك 90 فيلا ,,,بصراحه يحز بخاطري يوم اشوف واحد من اهل بلادي يكتب موضوع ويعبر عن معاناة ناس كثار يعانون ,,ويظهر لنا واحد وللاسف من اهل البلاد ويكون ضد هالموضوع ,,,ياخي تعال شوف المستثمرين واللي على قولتك انته واحد منهم تعال شوفهم شو يسوون بالفلل وكيف يقسمونهن ,,,كرم الله القارين والسامعين (( الحمامات يحولونهن غرف والمطابخ الي غرف والمصيبه مش غرفه ولا غرفتين ,,بل ثلاث واربع غرف ,,ياخي كيف بتسكن مع عائلتك بهالمكان ,,والمصيبه تعال شوف منو بيسكن معاك بنفس هالفلل او الشقق على قولتك ,,بتحصل مكس ومن جميع الجنسيات يجاورونك ,,,, خلاصة الكلام انه هالموضوع فعلا له سلبيات كثيره ووااااضحه في مجتمعنا وخاصه الناس المواطنين واللي ماعندهم بيوت خاصة فيهم وعايشين على هالايجارات اللي تهد الحيل ,,, لذا ومن حرصي على انه الجميع يشاهد ويقرا هالموضوع لعل وعسا يوصل للمسؤولين ويقرون معاناة الناس لذا اطلب من ادارة المنتدي المحترمة تثبيت هالموضوووووووووع للاهميه وجزاكم الله عنا الف خير ,,, وشكرا والسموووحه على بعض الكلماات بس بصراحه من القهر الواحد مايعرف شو يقول ولا شو يكتب

2. السلام عليكم ورحمة الله وبركاته ,, انا بصراحه أؤيد صاحب الموضوع وبشدة وكلامه سليم 100 % ,,, واسمحلي يامستثمر ظبياني انا مش معاك نهائيا يوم انك تقول انك تقسم الفلل لشقق وتقول هذا من صالح الناس,,, تعال واقنعني كيف من صالح المواطن انه يسكن هو وعائلته بهالشقق اللي تقول عنها واللي انا اسميها غرف طبعا واللي غالبا يكون التقسيم في الفلل بين الغرف الحاجز يكون من الخشب او من الطابوق بدون مراعاة اي شرط من شروط السلامه وبدون اي مراقبه من مهندس مختص وخاصة من البلديه ,,اللهم شوية عمال واسمحلي من الشارع بدون اي خبره وتعهال وحط طابوقه على طابوقه ,,, اسمحلي هذا الكلام اذا انته انطبقه على عمرك وتقول عندك 90 فيلا حلال عليك ومانحسدك بس انته يالس تقول كلام وانته اصلا مش مقتنع به وتعرف انه راعي الموضوع انسان يقول كلمة حق واغلبية المواطنين فعلا يعانون من هالشي ,,,,فيا انك تقول كلمة حق او انك وبكل صراحه وبدون تسكت ؟؟!!!!

3. السلام عليكم

   شوي شوي شوي شوي يا اخوان مايسوى عليكم كل هالاكلام

   مب الفلل اللي ارتفعت ايجاراتها وبس كل شي ارتفع الشقق والغرف حتى البيض ارتفع

   اما بخصوص الفلل انا عندي 90 فيلة وكلهم محولنهم شقق وانا مستثمر ومواطن

   وهذا مايعني جشع بالعكس هذا يحل مشكلة الناس اللي مب محصلة شقق

   وبعدين من قالكم ان المالك ماعنده علم عن شي المالك صار يعرف كل شي الحين

   والملاك هم اللي رافعين الاسعار يعني مب المستثمرين

   ارجوكم يا اخوان عدم اتهام اي شخص سواء مواطن او وافد بالجشع والطمع والكلام اللي ماله معنى هذا سوق وهاي تجارة وعلى قولة الشاعر التجارة شطارة

   وشكرا

4. شكرا على مرورك والمشاركة

5. شكرا على إثارة هذا الموضوع الخطير
   فعلا كلامك صحيح مليون %
   وأنا واحد من الضحايا الذين عاشوا ومازالوا يعيشون هذه الأزمة المؤلمة
   وأزيد على كلامك مثال من الواقع
   أنا كنت أسكن في فيلا في أبوظبي قبل أن يخليني المالك منذ ثمانية أشهر بقيمة 80000 ألف درهم وسألت عن نفس الفيلا معروضة الآن للإيجار من قبل مستثمر بقيمة 250000 درهم ويقولي تباها حق إستثمار ولا بتسكن فيه…
   تخيلوا يا جماعة الخير مستثمر يأجر على مستثمر والمالك خبر خير ……….
   واسمحولي يالربع على الإطالة ترا قلبي مترووووووووووسه.

Comments are closed.