السلام عليكم يالربع
شحاكم عساكم مرتاحين
إخواني انشالله بشتري لكسز امريكيه سودا ب 130 الف 
موديل 2008 بس لأني ماخذنها بسعر حلو بغيت احولها إلى 2010
فياريت لو حد سوا هالحركه يخبرني شو يحتاي ابل بالضبط و شكثر بيكلفني و وين و ياريت فبوظبي او العين
و مشكوورين و مبروك على مقدما
يعطيك خيرها ويكفيك شرها…
يعلها مبرووكه..
أنا بدلت الشكل الامامي فقط من 2008 الى 2010 في دينا تريد بوظبي / بالنسبة للاسعار انا هذا اللي ادكره لان التحويل بسبب حادث وانا دفعت 2800 و هو فرق السعر بين قطع 2008 و 2010
القطع الامامية و كلها تفرق عن 2008 :
البمبر و ملحقاته (كرسي البمبر + بطانة داخلية للبمبر + الشبك السفلي للبمبر ) تقريبا 2500درهم
المداقر غدد 2 تقريبا 3300 درهم
البونيت 3500 درهم
الليتات الامامية + ظفيرة + كرسي الليتات تقريبا 8000 درهم – للعلم الظفيرة مب متوفرة و يبالها شهر طلبية لين توصل
الشبك الامامي + شعار اللكزس تقريبا 1600 درهم
الكشافات عدد 2 850 درهم
المرايات الجانبية عدد 2 تقريبا 3300 درهم (انا ما بدلت المرايات) بس خليتهم يركبون الاشاير فالمداقر شرات قبل
يعني تقريبا 23500 بس للواجهة (القطع فقط بدون شغل اليد و بدون صبغ)
صورة قبل التحويل
بعد التحويل
وبالنسبة للخلف اعتقد تحتاج سطابات + نص الدبة من تحت (يعني الجزء اللي يركب عليه الرقم) + البمبر الخلفي
والله اعلم
و لا يهمك ……………….
بالبركه ان شاء الله ، اذا حصلت اي معلومه عن تعديل الموتر لموديل 2010 خبرني ما عليك امر
الله يبارك فيك و يطولي بعمرك