سلامٌ من الله عليكم و رحمةٌ و بركه.
بدون مقدمات، لأني مغفّي حالياً. 
أنا اليوم يتني مكالمه من أحد أصحاب العمل (باكستاني) يخبّرني إنه قرا خبر في الجريده (لا تسألوني أي جريده) إن في تخفيضات كبيره مسوّتنها شركة EROS على جميع الأجهزه الإلكترونيه لديها (أظن الستوك اللي عندهم) في المركز التجاري في دبي.
المهم،
من باب حب الخير لكم، و يشهد الله إن مالي مصلحه في الموضوع، حبيت أخبّركم بالسالفه عشان اللي يبا شي، يسير و ياخذه بـ نص ثمنه تقريبا. بس حطوا في بالكم إن المكان زحمه وااااايد، حسب كلام اللي خبّرني، لأنه سار اليوم. يقولي إن التنظيم زباله 
بس المحتاج يركب الصعب، يلس 3 ساعات عسب يطلع باللي يباه.
شخصيا أنا رايح باجر إن شاء الله، عشان أشوف المعروض، و إذا كان لي نصيب بشي، باخذه.
وقت المعرض: الجمعه من 14:00 الى 22:00، السبت من 10:00 الى 22:00. (يومين فقط)
المكان: دبي، المركز التجاري، القاعه 1.
و هذا موقعهم و حاطين فيه التفاصيل.
WELCOME TO EROS GROUP, DUBAI, UNITED ARAB EMIRATES
اللهم هل بلّغت، اللهم فاشهد.
مع السلامه، و تصبحون على خير. 
ملاحظه مهمه يا أخوني،
العرض هذا لحاملي بطاقة HSBC (كريديتديبت) فقط.
اللي ما عنده البطاقه، يتسلّفها من حد. 
اول واحد بسير لهم
وبتحصلوني لابس بنجابي ههههه
متعني اشكرك بعنف وبقوه
فوقها يا شباب
باجر الراتب نازل و التخفيضات موجوده باقي ندق سلف
وسلامي عليك يا متعني
سؤال سريع
كله تلفزيونات ؟؟ اللي في اللنك الثاني كلع تلفزيونات ماشي هوم ثيتر او بيسييز لابتوبات …إلخ
اتذكر جامبو للالكترونيات من زماان سوى تخفيضات قويه لمده يومين على شارع القرهود وكان الاعلان في كل الجرايد وسرت انا وربيعي بس شفنا زحمه لدرجه ان الهنود مسوين طابور 1000 نفر… كله عشان الابتوب الي ب 500 ههههههههه والله انه نقع البكس داخل بس نحنا روحنا
الشي الوحيد الي شفته ان هندي كان شال وياه صندوق كبير ويركض كانه سارقنه لوووول
(هو شارنه بس مب مصدق عمره)
لا اتعبون عماركم الهنود من الساعه 3 فليل واقفين عند الباب يتريون المحل يفتح 8 الصبح
شـكــ وبارك الله فيك ـــرا لك … لك مني أجمل تحية .
هذي قائمة الأسعار على ما أعتقد.
EROS GROUP – PRODUCTS – FULL DETAIL