سلامٌ من الله عليكم و رحمةٌ و بركه.
بدون مقدمات، لأني مغفّي حالياً. 
أنا اليوم يتني مكالمه من أحد أصحاب العمل (باكستاني) يخبّرني إنه قرا خبر في الجريده (لا تسألوني أي جريده) إن في تخفيضات كبيره مسوّتنها شركة EROS على جميع الأجهزه الإلكترونيه لديها (أظن الستوك اللي عندهم) في المركز التجاري في دبي.
المهم،
من باب حب الخير لكم، و يشهد الله إن مالي مصلحه في الموضوع، حبيت أخبّركم بالسالفه عشان اللي يبا شي، يسير و ياخذه بـ نص ثمنه تقريبا. بس حطوا في بالكم إن المكان زحمه وااااايد، حسب كلام اللي خبّرني، لأنه سار اليوم. يقولي إن التنظيم زباله 
بس المحتاج يركب الصعب، يلس 3 ساعات عسب يطلع باللي يباه.
شخصيا أنا رايح باجر إن شاء الله، عشان أشوف المعروض، و إذا كان لي نصيب بشي، باخذه.
وقت المعرض: الجمعه من 14:00 الى 22:00، السبت من 10:00 الى 22:00. (يومين فقط)
المكان: دبي، المركز التجاري، القاعه 1.
و هذا موقعهم و حاطين فيه التفاصيل.
WELCOME TO EROS GROUP, DUBAI, UNITED ARAB EMIRATES
اللهم هل بلّغت، اللهم فاشهد.
مع السلامه، و تصبحون على خير. 
ملاحظه مهمه يا أخوني،
العرض هذا لحاملي بطاقة HSBC (كريديتديبت) فقط.
اللي ما عنده البطاقه، يتسلّفها من حد. 
يوم بيسوون عروض على الماركات خبرونا لا تنسونا
بس ياليت يكون قبلها بفتره عشان يمدينا نضبط امورنا ونتكتك لها
فيك الخير …….
أنا سرت اليوم الساعه 15:00.
و هذي ملاحظاتي:
1- عدد الناس كانوا أقل بكثييييير من البارحه. << اللي خبّرني بالخبر البارحه كان موجود اليوم.
2- البضاعه تنوّعت بين القدير و الجديد. لكن القديم كان طاغي و بشل كبيييير. لدرجة إن بعض البضائع كانت معروضه على أيام 2005.
3- الأسعار كانت تختلف إذا كان الكرتون مفتوح أو لم يتم فتحه من قبل. و السعر يختلف على هالأساس.
4- ما كانوا يطلبون بطاقة hsbc. أنا يوم اشتريت، قالولي إن السعر كذا، و بالبطاقه (أي بطاقة بنك) بيكون عليها خصم 10%. و هذا يعني إنهم تخلّوا عن شرطهم، يمكن لأنهم يبغون يخلصون البضايع بسرعه.
بشكل عام، أشوف المعرض ناجح و أسعاره زينه.
عندي قناعة تامه .. أنتظر شهر بالكثير ويتشوف السعر نصف السعر اللي موجود في الموقع
مافي شي ببلاش عشان خاطر الكستمر لابد في شي نحن نجهله
يا أن تقنية جديده بتنزل أو أن الأسعار بتنزل طبيعي وبضاعه جديده في الطريق
بشرنا اخوي متعني ومتصرف،، شو صار وياك؟ سرت؟