السلام عليكم ورحمة الله وبركاته
كيف الحال؟؟؟؟؟ عساكم بخــير ان شاء الله..
افكر اخذ سياره بس محتاره شو بالظبط اخذ والميزانيه لين 150 بس
والاستخدام للدوام.. .. السالفه فيها خطوط .. وسواقة دريول 
– لكزس is300 مستعمله 2007 اليديده اتوقع اكثر عن الميزانيه .
– كابريس .. الرويال اليديده على 162000 تقريبا
– كامري او افالون
واذا ترشحون شي ثاني اكون شاكره لكم
تحياتي
أنا أرشح الافالون سياره ماعليها كلام مريح في الخطوط مواصفاتها روعه ترشيحي الثاني بيكون للكزس is 350 بس سعرها في الوكالة بدون تامين 161 درهم رقم 2
روحي علا الوكالة شوفي الي يريحك بعدعا صلي صلاة الاستخاره والف مبـــروك مقدمن
خذيلج اي شي المهم يكون تيوتاااا
روحي الوكاله وشوفي سعر كل وحده
ولي ترتاحيلهااا وعيبج سعرهااا توكلي على الله
والكابرس شليه من بالج
خذيلك افلون رقم واحد تعمر معاك 5 سنوات وانت مرتاحة
السيارة ما شاء الله باردة جدا بالداخل
وما تسمعين الاصوات
وما تحتاج لصيانة كثيرة
وبعد 5 سنوات ما راح تخسرين الكثير من قيمتها
وعسى ربي يوفقك
مشكور اخوي شخصيه مجهوله
بس يعني is430 / 2004 احسن عن is300 2007
علما اني ما يهمني حجمها..اهم شي تكون مريحه فالخط
خذي افالون رقم 1 ما فيها حيلة اذا بتاخذينها يديدة يمكن سعرها 120 الف
او خذي لكزس 2004 اذا تبين سيارة مستعملة ls430
ما بتخسرين فيهن وسعرهن ما يطيح بسرعه
اما الكابريس سعرها يطيح بسرعه
وصلي صلاة الاستخارة وتوكلي على الله
والسموووووووووووووووووووووووووووحة