السلام عليكم اخواني
قبل من فتره دورت بطايق اي تيون وما عرفت كيف اشتريها لانها طبعا مب موجوده بالدوله وبالصدفه ولد خالتي اشترى بطاقه من موقع سوق بسعر ممتاز وطرشوله الكود مال البطاقه بالايميل وبصراحة انا دخلت الموقع وجربت وبالفعل التعامل معاهم وايد سهل وممكن خلال لحظات يطرشولك الكود او الرقم التعريفي مال البطاقه فانا انصح الي يبى يشتري بطايق اي تيون يدخل موقع سوق ويقارن اقل سعر ويشتري 
اخواني هاي مب دعايه بس انا حبيت افيدكم بهالموضوع لاني بصراحة انا بنفسي كنت ادور وحبيت تستانسون مثلي للي يدور هالبطايق
والسموحة
مرحبا اخوي
الله يسلمك بكل بساطه تسجل بموقع سوق souq.com يعني تسويلك اسم مستخدم وادخل جميع البيانات المطلوبة وموبايلك بعد استكمال البيانات يقوم الموقع بالحال بارسال رساله ع موبايلك فيها رقم سري يطلب منك ادخال هذا الرقم السري ببياناتك عشان بس يتاكدون انها مضبوطة وبمجرد ما تخلص ادخال البيانات خلاص تقدر تبيع وتشتري
وبالنسبه للفلوس كيف اطرشهن في طريقتين اما انك تشتري بطايق كاشيو كارد وهذا موقعهم عشان تعرف اماكن الي يبعون فيهن الكاشيو كارد cashU | secure online payment method | safe online shopping
وبطاقة الكاشيو كارد مثل الفيزا يعني يكون فيها رصيد معين ادخله بحسابك بموقع سوق ويستوي ع طول عندك فلوس تقدر تشتري
والطريقة الثانية انك ادخل بيانات حساب البنك مالك وتسوي عمليت تحويل مبلغ معين من حسابك لين حسابك بموقع سوق
بس اذا تبى رايي استخدم الطريقة الاولى يعني اشتر بطايق كاشيوكارد احسن واسرع
الشخص الي تشتري منه السلعة يطلب اما دفع فوري او تدفعله بعد الاستلام عن طريق ارامكس
بس بالنسبة لبطايق اي تيون يكون الدفع فوري لان الشخص بيطرشلك الكود مال البطاقة ع الايميل وبتكون وفرت الوقت ووفرت العشرة دراهم مالت ارامكس.
انا بصراحة اشتريت من شخص مب مذكرة اسمه بس كان يبيع بطاقة itune $50 بسعر 235 كان اقل واحد فيهم وبالفعل اشتريت ومجرد ما تمت عملية الدفع طرشلي الكود وجربتة واشتغل ودخل برصيدي
50 دولار وشفت فيهن حلقات لوست اليديدة
اتمنى اكون فدتك يا خوي واذا في اي استفسار اخر انا بالخدمة
بطايق الايتيون تستخدم حق الايبود او داخل الكمبيوتر او الابل تيفي وهاي البطايق عبارة عن رصيد مثلا 15 دولار ادخلهم بالاكاونت الخاص بك بموقع ابل .كوم apple.com يعني يكون عندك اسم مستخدم بهالموقع واي حد يقدر يسويه مجانا وادخل الرصيد الموجود بالبطاقة بالاكاونت مالك وبالتالي تقدر تنزل افلام مسلسلات برامج وكل شي من احدث شي بالاضافة الى الاغاني وغيرهن
الحلو انه الواحد يشوف احدث الانتاجات قبل ما تنعرض حتى بالتلفزيون عندنا حتى قبل الشوتايم وغيرها مثل لوست وغيره وواضح جدا جدا مثل التلفزيون
انا الحين شفت مجموعة من حلقات لوست الجزء الاخير رووووعه
لاي استفسار اخر يا ريت تسالون
تسلم الغالي جزاك الله الفخير
بس عندي سؤال كيف طرشت له البيزات
وكيف طرش لك الكود
ومن اي شخص اشتريت منه اذا تحدد لنا
والسموحه منك
واشكرك على الافادهـ