صراحه حبيت احط هذا الاعلان لاخوان الاعضاء المنتدى والزوار شفت ورشه تغير لون السياره من غير ما تصبغها يعني تحافظ على لون السياره ونفس الوقت تغير لونها يكون افضل لك لانه في البيت ما بتحصل اي حد يطمش ويتفلسف ويقول لك مصبوغه حبيت ترد اللون القديم تقدر تزيل الاستيكر وفي الوان مش موجوده اصلا بالوكاله مثلا اوف بلاك و ابيض لمّاع والوان ثانيه انا صراحه زبون دايم عندهم واول مره اشوف هذي الخدمه وتكلمت مع صاحبها الاجنبي في امور تخص الصبغه والاسعار ..الصبغه هي مثل الستيكر ، مستورد من امريكا .. بصراحة مستحيل تميزون بين الصبغة والاستيكر .. و نوعية ممتااااااااااااااااااااااازة مما تتأثر بالشمس ولا تتأثر بالعوامل الجوية..لقيت عنده اكثر من سياره منها الجي تي ار والبورش كايين والرنج الاسبورت و صورت لكم سيارتين..
هذي رنج لونها الاصلي ابيض غير لونها الي لون نحاسي ..
بورش كايين لونها الاصلي عنابي وغيروها الي لون ابيض لؤلؤي لماع
قبل
بعد
بالنسبه للاسعار يقول صاحب الورشه السياره الوحدة تكلف بحدود 20 الف درهم و الأسعار تختلف حسب اللون المطلوب..
ورقم صاحب الورشه0506612176 قولوا له احنه من طرف بو منصور وان شاءالله ما بقصر وياكم
والله يشهد عليه اني بس حاب افيدكم ومالي اي مصلحه ولا عموله بالموضوع
اذا الواحد حاب يظمن موتره 100% عليكم بمحلfoilacar لانه اللي يشتغل فيه ألماني وعنده خبره واسعه في هالمجال ..لانه هو كان بادي في هالشغله في ألمانيا والحين هو معروف في دبي طبعن انا ما جربته بس يسدكم انه الشيخ زايد بن حمد بن حمدان مركب عنده..slrاحمر ادخلو موقعه وكحلو عينكم..طبعن الموقع بنفس الاسم اللي ذكرته فوق..تراني ما اعرف اسعاره ..رقم الشركه بتلاقونه في الموقع
اكيد ما بتغير لانه مش صبغ بس تزيله عن طريقهم
ممكن تعطينا اسم الورشه ورقم تلفونها على العام؟؟؟؟
هل متاكد من السعر؟؟؟ ترا حتى المخفي انواع في ب 100 درهم وفي ب 3000؟؟
بس لا تنسي رقم الورشه عشان نستفسر منه
تحياتي لك
زين اذا حبيت ترد اللون الاصلي ما بيكون تأثر ؟؟؟؟
يعني يبقى على نفس الحالة ؟؟؟؟
هاذا جلاد معروف عندنا فالعين
على 7000 صح الوان مميزه اسود ميت والوان ثانيه ..
فيه المورسدس الأصفر الى كان عند جابر نغموش في حلقة بنت صغوان ..
هاذاك كله جلاد والوان ثانيه ماتنعرف ابدا” ..
نفس صبغ الوكاله بس اسود ميت ماعليه كلااااااااااااااام مره ..