قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
فكرة حلوة بس هي تعرف ان ما عندي حد في المدرسة كلهم في الجامعة
مرة قالت لي انتي ما تروحين في سيارتج دبي
ها اللي قاصر بعد اوديها دبي
لوول يا حليلج انتي طايحة بنفس الموقف الي انا كنت طايح فيه الصراحة عندي لج الحل و الي هو انج اتقوليلها ان عقب الدوام لازم اتروحين اتشلين اخوج من المدرسة و لا من الكلية و لا اتشلين اختج من مكان و ما تقدرين تتاخرين عليها و قولي لها سامحيني ما اقدر اوصلج لازم الحق امر ع اختي و بس هي بتفهم السالفة و بتقولج اوكي و الله يعينج
يمكن عندها ظروووف مؤقته .. ساليها
وخليج لوح شراتها وخبريها الاهل مايبونج تتاخرين .. دوريلها عذر مناسب
قوليلها مره وهي بتفكج من ها كله
مب لازم نكتب جنسيتها
وخبرينا بالنتآآيج
فيه ناس ما تنعطى ويه أبدا
وايد زميلات في نفس دربها وطريجها لكن ما تترصد الا حقي انا