قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
مثل ما ردو عليج الأخوان
في مثل يقولونه (كلمه تستحي منها بدها )
قوي ويهج وقوليها إن أول مرة حبيتي أتوصلينها لأنج تفكرين إن بيتها في نفس الطريق
بس بعد ما عرفتي إن بيتها مب في نفس الطريق قوليلها سمحيلي لأن أهلي يحاتوني وعصبو علي لأني أتأخر
وصدقيني قوي ويهج وخبريها خليها تزعل يوم يومين وبعدين بتحس إن هي كانت مثقله عليج
الله يوفقلج إن شاء الله
وجهه واطنشه واعطيه اشكل كني ما اشوفه
لان هاذي نوعية ما يجي معاها الا الكرش .
اكرشيها وما جاك عندي ،،
على فكرة الاجر في التوصيلة الاولى بعدها منتي ملزومة فيها ،،،
خصوصاً ان مكان سكنك بعيد عن مكان توصيلها ،،
.
.
.
تخيلي انها عضو معانا بالمنتدى و شافت الموضوع
احتمال تفتكين منها
شوفي اختي
لا يكلف الله نفساً إلا وسعها
و انتي بنت و البنات ظروفهن مختلفة عن الشباب
كوني انسانة واضحة و صريحة و بدون كذب
قولي لها ماقدر اتأخر عن البيت
و يا دار ما دخلج شــــر
كلمة من حرفين
لو تعلمتي متى تقولينها صح راح تنفعج وايـــــــــــد
لا
صقعييها بالزنووووووووبه
والله ياختي ما تدرين،
يمكن الله يحبط عملج كله، و ما ينجيج غير هالتوصيله اللي إنتي تحاولين تتهرّبين منها.
بس على العموم، قوليلها،
عزيزتي فلانه،
بخصوص إني مستويه سوّاقه عندج،
يايبتنّج و ناستنّج مثلا.
ولا أقولج،
ليش ما تقولين لربيعتج اللي وياج في الدوام توصّلها.
.