قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
ماااا ينفع ويااااهم لاني مره جربت هالحركة ردت عليه وقااالت مش مشكله ريلي في ريلج ومره وحده نسسسير نغير جوووو بعد الدواااام
في ناااس عااافانا الله ماا تحب تدفع تحب تحصل كل شئ بلاش هاااي النووعيه مثل نوعية لزقة العنزروووت !!
عآملْ آلنآسً بـ طيبْ أصلكِ مآفيً شيً ضآيع عندِ ربكِ
. . . 
. . .
كسْسْرت خَـآطْريْ والله . . و لكَنْ أسْلُوبهَـآ يْنرفَـزْ . . .
أخْتِي . . أحْتسَبيِ الأجْر عنَدْ الله . . و أنِ الله مْعَ الـصَـآبْريِنْ
لووووول ردود الاعضاء الصراحه شييي خاصه اللي فوقي دنهل
خيتو سهله والله
قولي لها بس ما اقدر اتاخر على البيت استوت لي مشاكل
اذا اصرت قولي لها الصراحه بيتج بعيد مافيني هوايه لول
حطي نفسج في مكانها
انا مريت في موقف البنت بس الحمدلله ماروح احشر خلق الله كل يوم ادبر نفسي
و يوم طلعت موتر (ايام الدراسه) الشباب كل يوم الثاني اوصل واحد و انا ماستحي من الحق يلست الشباب قلتلهم انا بوصلكم ماعندي مشكله بس (بترول)ويهي قب هههههه ياخي بدال ماتدفع حق التكسي ٣٠ درهم عبيلي بترول ب١٥ و بدينا انتكس على ايام الدراسه ههههههههههههه
انا نصيحتي اختي حرام اتخلينها توقف في الشارع تتريا تكسي لانه والله معاناااه بس قوليلها اول شي لاتحشريني وايد ثاني شي انا بوصلج لين لين اخر موقف تكسي قبل لا امسك دربي او مشيها لين ماتلقين تكسي فاضي و وقفي التكسي و هي بتحول في التكسي
اما انج اتخلينا توقف دوم تتريا والله حرام لو ريال بنقول اوكي مب مشكله خله يوقف و يمشي ساعتين ههههه