قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
سبحااااان الله من رغم بساااطة الكلمة وصغر احرفهاااا
بس الوااااحد والله يستحي يرد شخص او يقول له لااا
لوووو تعلمنااهااا وقلناااهااا جااان مااا خلينااا الناااس تستغلنااا
كلمه سهله على اللسان صعبه على القلب
لا لا عيب
ما وصلنا لهالمواصيل
فكرت فيها
بس قلت حرام ابني سعادتي على تعاست غيري
لاني ماأرضاها على نفسي فكيف أرضاها على غيري
اكيييييييييييييييييييييييد اربيعتهاااا عااايشه الدور وشاااايفه شووو اللي يصير بس كيف تقدر تتحمل فاللي تشوووفه جدااامهاااا