قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
.
.
الله المستعان
انا مع الاخت too-sad
في الراي وربي يخلصك منها
واذا ما افتهمت اعطيها مباشره اعتذارك وعدم رغبتك في توصيلها
لأن تاخيرك يسبب لك مشكله في البيت
اختي زهره
الله يعينج صارلي نفس الموقف لا وزياده كنت امر بعد تبا تشتري بطاقه تبا عصير وانا جني دريول وبيتها في منطقة مب قريبه من منطقتي مع انه دوامي القبلي يبعد بس دقيقتين عن البيت ،،،
بعدين فهمتها بطريقه لطيفه اني ما اقدر اتاخر عن البيت يتريوني تمت تنسحب تنسحب وتنسحب وفقدت صداقتها
اكتشفت صداقة المصلحه ومن هاك اليوم انا صديقة نفسي وصديقة خواتي فقط
ونصيحتي لج قوليلها او سوي نفسج تتكلمين في التلفون في نهاية الدوام وقولي ( انزين امي الغاليه ،، من عيوني ما بتاخر ) واعتذري لها قوليلها امي مب راضيه اتاخر عن البيت واسمحيلي وما اباج تزعلين
وخبرينا شو بيستوي وياج
انا اعطي كااش … عادي عندي .. ولا اتم متغصص وخل غيري متفجج..
قوليلها الاهل رافضين اوصل اي احد وياي .. ما يبوني اتحمل مسئوليتهم… وريحي راسج.
ههههههههه الله يعينج .. انا اشوف انسب شي انج تعتذرين منها وتقوليلها انج وايد تتاخرين وأهلج مب عيابنهم الوضع ..
واذت تتلومين تقوليليها اعتذري منها قوليليها من الاسبوع الياي مابقدر اوصلج الاني لزم امر ع اخوي المدرسه مثلا … والله يعينج
الحل سهل وبسيط
قوّي قلبج
و سيري عندها و قوليلها :
انا أأأأأأأأأأأســـــــــفة ما اروم اوصلج ..!!!
وحلت المشكله