قام الواحد يكره يسوي خير في الناس يتعودون ويلصقون فيه لين ما الواحد يطفر من عمره
اسمعوا سالفتي ..
من اخلص الدوام أركب السيارة بروح البيت أشوف وحدة من الزميلات تتمشى ادور تكسي
غمضتني قلت مب حلوة أطوف جدامها وما أشلها وركبتها وصلتها مرة ومرتين وثلاث
الحرمة اتعودت شغلتني درويل عندها مع ان دربها غير عن دربي حتى قمت اتأخر مال نص ساعة عن البيت
مصختها… قبل ما يخلص الدوام أشوفها مرتزة في مكتبي واتقولي يلا حبيتي هوايا اتأخرنا ما خلصتي شغل
وانا عاد ويهي بويه المنتدى أقولها شوي مشغولة ومضغوطة وتعبانة من الشغل اللي ما يخلص
اترد عليه بكل برود ما عليه حبيتي بكره راح تكملينه الحين قومي انروح البيت نرتاح
وانا في خاطري بموت من الغصة قلت شو هالناس شو هالبلوة اللي الله بلاني فيها
والله قبل ما يخلص الدوام بربع ساعة تمسكني حالة هستيرية اتوتر واتصبب عرق يا انخش يا اطلع من وقت سوتلي فلم رعب الله يسامحها
اتفقت انا وزميلتي في المكتب ان قبل لا يخلص الدوام اندس في مكان واذا يت تسال عني اتقول لها ان عندي شغل وبطول والا في اجتماع حشى قمت العب صوير وياها
الصراحة انا ما عندي مانع أوصلها كل يوم بس لو كانت في دربي لكن هي دربها غير عن دربي
والواحد ما يصدق متى يخلص الدوام يرد البيت يرتاح
دخليكم فكوني منها قولولي شو اسوي وياها 
اصبري اصبري وين سايرة وديني ويااااااااااااااااااااااااااااااااااج
مي توووووو شرررررررررده
يلا آخر ربع ساااااااااااااااااااااااااااعه
شررررررررررررررررررررررررررررررده
هكذا حياتنا العملية …. تفرض علينا انماط راقية تحترم ذاتنا وتحترم الغير وانماط مريضة وويههم لوح
ويجب التعامل معهم بحكمة و حنكة
وان شالله راح اطبق نصايحكم والله يكون بعوننا ويسهل أمورنا يارب
و مشكورين ما تقصرون جميعا
بما انا ويهج مب لوح…
عندج لج حل إلتوائي < —-
اتفقي مع تاكسي يوقف جدام الدوام يترياها..مال كم يوم..وانتي خلال هاليومين انخشي تحت طاولة الدوام وحطي ورقة على مكتبج مكتوب عليها “محد حد“..
يومين ثلاث بتفتكين منها…اول ما ترجع لج بعد كم يوم قولي لها سامحيني اختي ودي اوصلج بس تدرين دربج غير عن دربي وهالشي ياخرني عن البيت…
احيانا لازم تخلين ويهج لوح ولا بيستغلون طيبتج…وبتضايجين بعمرج عالفاضي اذا تميتي كاتمه هالشي فيج وما قلتي لها..
good luck
انا عندي قاعدة في هذه الامور, افكر اولا لو انا كنت المحتاج هذا الشخص بيساعدني ولا لا ؟اذا كان نعم اساعده اذا كان لا احاول ابعد عمري من الموضوع.
خصوصا في موضوع التوصيل استوالي موقفين, مرة لقيت شخص اعرفه من زمان واقف على الشارع فوقفتله, سلم ومن ما ركب السيارة لين ما نزل وهو يرمس على الموبايل ولا قالي شكرا لي ما نزل. طبعا بعد فترة شفته وناظرته ويه بويه في نفس الموقف وما وقفتله من ذاك اليوم وهو دوم يوقف نفس المكان.
كل انسان يحب يسوق بروحه, وطبيعي انج بتتضايقين اذا الشخص اللي توصلينه مزعج. لكني حاس من كلامج ان اللي توصلينها على نياتها وما تقصد ازعاجك وتحسب انه عادي عندج توصلينها. صدقيني في ناس مزعجين جدا والواحد يندم لانه ركبهم معاه ولو مرة في حياته.
احسن حل انج تاخذي اجازة كم من يوم وعقب تردي وتكون هي رتبت امورها انشاء الله, او تردين الدوام مع حد من اهلج كم من يوم . بس عن نفسي شخصيا احب اخلي الافعال توصل الكلام واللبيب بالاشارة يفهم. خاصة انها تشتغل وياج في نفس المكان.