السلام عليكم
لاحظت في الفتره الاخيره الشباب و بذات في بوظبي يحاولون يشطرون باي طريقه الحين انت يوم تشتري الرنج السبورت العاديه ليش تغير الكلمه ل سوبرجاج يا اخي الناس تعرف مش مدمغه اول شيء القزوز غير و الرنجات و حتى لو غيرتها بخبرك غير شعار اللاند روفر لانه ع السوبر جارج اسود و ع العاديه خضر 
أمس شفت واحد عنده سلفر و الرقم رمادي و كاشخ الحبيب بس للاسف ما يدري ان الحركه مكشوفه
بو قرن لا يناطح بوقرنين 
شو الحين الهدف من الموضوع … الستكر مثلا …يعني احينه كتبة السوبر مضايقتنكم وايد … لا يكون الكتبه رافعه ضغطك بس !!! يا خوي لاتعورك قلبك على الستكر .. انا راح اركبها عى تكسينا وايد اريحلك
رأي ان الموضوع ينقفل احسن عن الحساسيات والسموحه
اول شي .. نحن في رمستنا نقول ( انته ) .. مانقول انت .. توضيح بسيط فديتك
وبخصوص تثمين الرمسة .. انا يوم برد على حد .. برد بمستوى الكلام اللي يقولة .. اذا كان مثمن رمسته .. بحطه على عيني و راسي .. و اذا كان هب مثمن رمسته .. نعرف نرد علية بالطريقة اللي هوه طارح الموضع بها
بس مع احترامي لك .. موضوعك يثير الاستفزاز .. اذا انته كانت في نيتك فائدة عامه و نقاش جيد .. كان بأمكانك تصيغ الموضوع بطريقة ثانيه .. و تاخذ السلبيات و الايجابيات .. اذا الايجابيات اكثر بطرحه .. بس لو السلبيات اكثر ببتعد عنه لأن ماوراه فايدة
كان بأمكانك تقول .. الشباب يوم ياخذون رنج اتش اس اي .. الخ
ماتخص مدينة معينه او فئة معينة .. لأن هذا نقاش و الهدف منه مصلحة عامه و تنبيه الغير عن اشياء يمكن مايعرفونها … او ادعم موضوعك بصور عشان تبين اوجة الاختلاف بين السوبر جارج و العادي .. و ماقصر روح الرميثات حط الاشياء المختلفة
وانا يوم رديت ع الموضوع .. كنت اقصد شي واحد بس .. انك اذا انته قدرت تحط موضوع تأكد ان في غيرك يقدر يرد عليك .. و في المرات اليايه قبل ماتطرح اي موضوع حط هذا الشي بعين الاعتبار
والانسان مايعرف عمره .. يوم فوق التراب و يوم تحت التراب … والاهم ان القلوب تكون صافية ولا حد يكون شال بخاطرة من الثاني
و السموحه منك عزيزي
وحبتين
شباب كلنا عيال زايد وكلنا عيال الامارات
ومافي فرق من اماره الى اماره
والشعالي مايقصد….
ومشكو يا الشعــــــــــالي بارك الله فيك
والسموحة لاهل بوظبي
اقولك توكل ع الله الناس يكتبون الكلمه ( أنت ) مش أنته
الله يعينا بعونته
انزين يا ابو احلام ما ادري انغام
واذا انت تسأل من أنا؟
بخبرك أنا ابن ادم و حواء و كفايه ان ربي نعم علي بأني انسان و مابزود وياك في الرمسه تعرف ليش لانك ماتثمن الرمسه يا اخوي ويوم بتثمنها بنقولك مرحبا بك