((( تصميم الأزيـــاء ::: ودي اعرف رأيكم )))

39 thoughts on “((( تصميم الأزيـــاء ::: ودي اعرف رأيكم )))”

1. نصيحتي لك اذا عندك هالهواية..
   في البداية شارك في العروض و مهرجانات الازياء..داخل الدولة و في بيروت..عادة المواطنة تفضــل فلبيني أو لبناني..
   الفلبيني للي بتدفع أقل من عشــرة الآف…
   و لبناني للي بتدفــع فوق 30 الف..
   .
   اذا قبل كل شــي اثبت وجودك و لمساتك في الواقع و هذا يحتاج الى مصمم أزياء يعرف يصمــم و يرسم رسمات تلفت النظــر..و يبالك Cutter عنــده خبرة..مصمم بدون الكاتتر صفر ع الشمال..

   .
   .
   على فكرة في شيــخ مصمم أزياء لكن مهاجر و عايش في لنــدن..

   بالتــوفيق..

2. السلام عليكم

   بالنسبة لي … اذا شفت مواطن فالواجهة … ما اتوقع اني ادش واشوف تصاميمه

   أما اذا الاستقبال وحدة مواطنة … اكيد بدش … لاني بحط فبالي انه المصممة مواطنة وبشجع هالشي ^^

   غير جي انه انت بتكون فمكتب … يعني ماراح يكون الوضع محرج … يمكن شوية احراج

   بس اهم شي الواجهة… لانه الواجهة هي الماركتنج … والوحدة اذا شافت وحدة بترتاح فالبداية

   وشي ثاني … يعتمد ع التصاميم … اذا هي شاطرة وعندها اسلوب يمكن الوحدة تتشجع وتصمم

   وهذا رايي الشخصي ^^

3. عزيز مصمم

   اتمنى لك من كل قلبي التوفيق والنجاح ,,,, وان شاء الله اذا كان هذا الامر فيه الخير فتوكل على الله

   واستخير ربك فيه ,,

4. دام المشروع بيكون نسائي كواجهه ،، مع المحافظة على خصوصية الحريم ،، توكل على الله

5. وعليكم السلام والرحمه اخوي ..

   عن “نفسي“ اخوية من سابع المستحيلات اروح عند “مصمم“ سواء اماراتي او من جنسية ثانية
   لنه فيها احراج كبير !!

   بس أكيد الناس مب سواسية
   في ناس الأمور طيبة عندهم ..

   نصيحتي لك اخوية ولك حرية قبولها او رفضها ..

   أنت ماشاء الله عليك عندك موهبة الرسم
   وانا على يقين انك تقدر توجه هالموهبة في غير تصميم الأزياء النسائية ..

   وممكن هالشي يفتح عليك آفاق يديدة ماتكون في يوم حاطنها فبالك
   الله يوفقك اخوي ويكتبلك وييسرلك الي فيه خير لك دنيا وآخرة

   واتمنى ماكون زعجتك بكلامي ..

Comments are closed.