تصيلح موتر مستعمل يساوي قيمة موتر يديد

9 thoughts on “تصيلح موتر مستعمل يساوي قيمة موتر يديد”

1. الله يعينك ياخوي

   سبحان الله السيارات حظ

   بس لازم كل واحد ينتبه قبل لايشتري(والسياره تعرفها من وقفتها)

2. الله يعينك ولا تأمن في حد هالايااام افحص وافحص عند كمن كراج

3. الله المستعان

   وعن الفتك ..

   انا عندي فتكين

   وشارنهم مستعملات

   واحد شريته السنة اللي طافت ..

   والثاني خذيته قبل شهرين ..

   موديل 2007 سوبر سفاري وخذته ب 76 ألف ..

   ولحد الحين خاسر عليه تقريباً 26 ألف درهم ..

   صبغت الموتر بالكامل وللعلم عقب اكتشفت انّه مصبووغ من قبل ..

   وراعيه اللي اشتريت منه الموتر ماقالي بعيوب السيارة

   وانا حليلي على نياتي دوم اثق بكلامهم ولكن عقب انصدم

   اشتريت الموتر وبدّلت فيه كل شي اعتقد ماتم شي الا وبدلته ههه

   بمبرات يداد وشنب يديد

   المدقار اليسار والبابين كان فيهم معجون .. اشتريت بابين يداد ومدقار يديد ..

   الرفارف اللي على المداقير كلّه يديد

   حسّاسات جدام وورى لانه بو الشباب مكنسل الحساسات مع انه الموتر رقم واحد على واحد مادري شو السبب

   ومن غير البلاوي كل حين شي

   الله المستعان

   والحين الموتر بالكراج وتقريباً بخسر عليه حوول ال 15 ألف مع شغل ايد الكراج ..

   ابصراحه صدق انغشّيت بالموتر الثاني

   لانها المكينة مبطلّه والموتر يباله هيد
   وديلمة جارج وبيرنقات وسيلات وربلة في الجير وخرابيط منّا ومنّاك

   يعني الموتر شارنه ب 76 ألف

   +26 ألف + 15 ألف = 41 ألف

   76 + 41= 117 ألف يعني لو شارلّي فتك موديل 2008 جان أخيَر لي ولكن ما اقول غير حسبي الله ونعم الوكيل

4. دامه نيسان لازم راح يبيتك فصناعيه

Comments are closed.