السلام عليكم ورحمة الله
طبعا كلنا فرحنا يوم زادوا رواتبنا 
بس يافرحة ماتمت 
من جهة يرفعون رواتبنا ومن جهة الاسعار ترتفع 
يعني اللي يعتمد على الراتب ماتمشي اموره الى نهاية الشهر 
شو رايكم تخبرونا كيف تصرفون رواتبكم 
يعني في الشهر كم تصرفون :
للإحتياجات الضرورية ؟؟ 
للكماليات مثل السيارة والعطورات ؟؟ 
لإيجار السكن ؟؟ 
وكم تجمعون وتخلون في البنك ؟؟ 
وكم تستثمرون في الاسهم او التجارة بشكل عام ؟؟ 
وشو تنصحونا لإدارة رواتبنا و استثمار فلوووسنا 
ملاحظة : يمكن الآراء تختلف ، صرفية العزوبي مب مثل صرفية المتزوجين 
الحرمة تقول له ييب لي ولا … 
وإذا احنا ما حفظناهـا ترى هالـنعمه زوالـه
الاعتدال احسن شي وعلى قدر الحاجه
شو فايدة الفلوس اذا ما صرفتوها؟؟
انا ابخل عني ماشي
اذا طلعت ويا شباب اقولهم اني نسيت المحفظة في السيارة او اني اعطيهم بطاقة السحب ومافيها رصيد
و ما احب اسوق سيارتي الى يبيني يمر البيت من هل ناحية اوفر بترول
و في البيت ماشي عشاء من برع كلة من البيت
و اذا مثلا خذت شي للبيت نتقاسم علية
و ما احب اسلف حد لو الموت
شو رايكم
مرحبا بالاخت تحدي .. نورتي الصفحة بمشاركتج
كلامج صحيح الفترة الاخيرة وضربة اسواق المال والاعمال اتوقع كلنا تاثرنا منها والسبب عدم دراسة المواضيع بعناية
بس ياريت توضحي لنا هالنقطة مافهمتها :
شكرا اخوي R34 احلى موضوع عندي
انا المدير المالي للبيت ، صح ما عندي راتب بس اللعب في رواتب غيري
بيتنا بيت شيوعي بحت
ف تقسيم المال يكون ك التالي :
عندنا بطاقه كردت كارد بس ابدا ابدا ابدا ما افوت دفع البيزات اول ب اول ، انتو تعرفون انه البطاقه هي اكثر مصدر دخل للبنوك ، واللي يدش في دين البطاقه ما يطلع منها
بخصوص دين السيارات دفعت مبلغ محترم كدفعه اولى والباجي خليت الدفع ل 3 سنوات ، ونفس الشي في السياره الثانيه ،ف وفرنا وايد ،، وعندي ملف سهل الاستخدام ادخل المبلغ وعدد السنوات ونسبه ربح البنك ويظهرلي كم بدفع للبنك وكم القسط الشهر …الخ ،،للي يبا اقدر ارفقه هني ،،،
بخصوص المصروفات اليوميه ، اشكثر اهلي يصرفون كل شهر ، امسك راسي من الصرف ف احيانا اخذ من البنوك واحط المبلغ في حساب توفير ف بنك ثاني ما يجرج شهريا او سنويا رسوم صيانه على قولتهم ف يتيمع مبلغ محترم ، هل المبلغ مثلا اصرفه على الدفعه الاولى للسياره او للتعليم او للتذاكر..واحيانا المصاريف لها داعي ف في هل الحاله اقص على الاهل اقول فقرتو يا عرب ف يخافون شوي ههههههه اقص عليهم عشان ايمع الزايد واحطه في التوفير ،، بس صدق قعدت مره كتبت كل يوم في شو اهلي يصرفون طلع على خرابيط ، ههههههه حتى لما تميت اعطيهم محاظره وصلتني رسالة تهديد في اليوم العاشر انه اتوقف وله بيشلوني من مركزي
بس انا سمعت نصيحه وايد حلوه ، الكل ايحس بتأنيب الضمير في حالة الصرف بدون تفكير ، ف المحلل المالي قال 25% من الراتب ( يعني تقريبا لو الراتب 10 الف التحويل بيكون تقريبا 2500) حولوه ل حساب التوفير اوتوماتيكي والباجي اللعبو فيه بدون احساس بتأنيب الضمير، كل البنوك اتوفر خاصيه التحويل الاتوماتيكي بدون رسوم ، ف هل الشي حلو ،
الاستثمار عندنا في الاراضي و في الاسهم ، لكن صدق الاسهم ما شوف لها فايده دايما في القاع ، بس الواحد يسوي portfolio diversification <— اللي يسمع يطيح واقف
احس طولت السالفه بس عندي نصايح للسفر اذا حد متفيج يتصوخ