كلنا يالسين انا وربعي وتمينا نتذكر المقالب اللي سويناها في بعض
قلت موضوع حلو حق النقاش في المنتدى
شو رايكم ؟؟
كل وااحد يذكر احلى مقلب سواه في ربيعه ولا حد من اهله ؟؟
ولا حتى حد سواله مقلب ؟؟
نبا نضحك ومن جهة نسرق الافكار
ونتريا ردودكم ؟؟
21 thoughts on “تعالوا نتذكر المقالب اللي سوينها حق اهلنا وربعنا ؟؟!!”
Comments are closed.
كنت ويا ربيعي نهــيت فالشوآرع كالعآده
لفه يمين و لفه يسار .. ادعسس شوية
وماآخذين الجو × عالكيف × >> آبو بكر سآلم
قطعنآ كمنـ كيلو .. شفنآ شرطة [ نقطة تفتيش ]
عطول سحبت حزآم ربيعي و يبته حذآل الهآند بريك
ربيعي يقولي كفووو
آول ماوصلنآ حذآل الشرطي و هو ينآظر
فكيت حزآم ربيعي
الشرطي يطالعـ و يضحك هههههه
اربيعي عيونه طلعت برع من الحركة
لكن عقب حصلت درس مابنساه من ربيعي هيهيه
و سلالالام
مقالبكم حلوة صراحة
نتريا من باقي الاعضاء
ولي عودة
ههههههههههههههههههه
حلوة مقالبكم
انا عاد ايام ما كنت في الجامعة واحد ربيعي وياي في الجامعة مظهر رقم جديد
دشيت الجامعة حصلت موتره في ويهي شو سويت؟
سرت كتبت له ورقة انه يالغالي اسمحلي دعمت سيارتك وانا مستعجل اتصل لي على هالرقم
وكتبت له رقم تليفونه الجديد ^_^
بو الشباب يدور حولين السيارة يدور وين الدعمة وانا والشباب نقوله يمكن هني ويمكن هناك شككناه بنفسه
يومين وهو يحاول يتصل وبجميع الاوقات صبح ظهر عصر مسا حتى بعد نص الليل يتصل والرقم دوم مشغول (تراه يتصل على رقمه)
ما انكشف المقلب إلا يوم حاول يتصل من تلفون ربيعنا على الرقم نفسه ويرن تلفونه
اسميه دعا علي لين ما قال بس ذاك اليوم
انا ماسويت مقالب بس استوالي ^_^
مره كنا يالسين فالصاله < < العايله الكريمه انا يالسه على المنتدى واخوي حذالي كانت تقريبا الساعه 11 فليل رن تيلفون الصاله .. وماحد يرمس بالتيلفون غير الوالده .. وفي هالوقت ماحد يتصل غير خالتيه قلت حق بنت خويه ردي فديتج عاد تمت ترمس وتسولف جان تعطيني السماعه انا ماشفت الرقم سيده رديت الووووووووووو ماظهرت خالتيه
طلع واحد
ويه .. انا ارتبكت وقفطت
ماحب ارد على ارقام ماعرفها < < سيده ترتبك الحبيبه قالي هلا اختي هذا مطعم ….. قتله لا اسمحلي انته غلطان مصخها قالي عيل مطعم ……. جان اسكر السماعه فويهه
اللي فالصاله كلهم يشوفوني وعليهم علامات ؟؟؟؟؟؟؟؟
جان يرد يتصل الوقح
يوم شفت الرقم
ظهر اخوي متصل
ومسوي مقلب فيني ^_^
من عمل مألبا لاخيه وقع فيه لوووول