الموهيم
سرت بشتري رقم حق السياره قلت اي شي قوم بو 1500 درهم
بدال ما اشتري غالي الموهيم
بعد بدال ما اشتري من حد مدبل السعر عن الخساير
يوم سرت هناك عطوني رقم وقالولي كاونتر رقم 18 و19 الموهيم يوم وصلت جنه داخله صف مسائي مصطفين وماشي مكان لليلسه…والريحه عبق الماضي
يوم طالعت الرقم اللي عندي وطالعت الافته اونه قبلي 100 نفر جان اقول موب معقول جان اسير عند راع الكاونتر جان اقوله كم قبلي قال 100 وشي
الموهم على طول قلت حق الريال خيبه …..شسوي مارمت اسوي كنترول على عمري
جلوعت الورقه وفريتها…في السياره
وطبعا ماشي مكان للحريم………كيف يعني نيلس ويا الرياييل امف منقود
ومره قبل كنت سايره عشان اخلص معامله كله بتان وماشي مكان للحريم
كيف يعني ايسون دعايا في الجريده عشان الناس يشترون وماشي مكان للحريم…
وشكلهم اللي يايين يشترون بياعين …..يشترون ويدبلون الاسعار على خلق الله …….
لازم المرور ايفكرون في موضوع كاونتر حق اللي يبا يشتري رقم واحد موب بالجمله حق سيارته الوحيده ويعيدون النظر في الموضوع
وهذي هيه السالفه ياعيالي
شورايكم
هي والله ..
الله يعينكم ..
صح كلامج اختي واعتقد هذا فرع القصيص الي تتكلميين عنه صح؟؟ هو زحمه ومافي مكان حق الحرييم
لو خذتي من المجلالات مال السيايير في ارقام تنباع بأسعار حلوه والله يوفقج ياربي؟؟
تقدمي باقتراح لادارة المرور ،، لانه صدق مرات البنت تسير تخلص معاملات سيارتها ..
ما فهمت المقصود ب الموهيم هل تقصدين المهم
عانكم الله بصراحه
المفروض شي مكان مخصص حق النساء