الموهيم
سرت بشتري رقم حق السياره قلت اي شي قوم بو 1500 درهم
بدال ما اشتري غالي الموهيم
بعد بدال ما اشتري من حد مدبل السعر عن الخساير
يوم سرت هناك عطوني رقم وقالولي كاونتر رقم 18 و19 الموهيم يوم وصلت جنه داخله صف مسائي مصطفين وماشي مكان لليلسه…والريحه عبق الماضي
يوم طالعت الرقم اللي عندي وطالعت الافته اونه قبلي 100 نفر جان اقول موب معقول جان اسير عند راع الكاونتر جان اقوله كم قبلي قال 100 وشي
الموهم على طول قلت حق الريال خيبه …..شسوي مارمت اسوي كنترول على عمري
جلوعت الورقه وفريتها…في السياره
وطبعا ماشي مكان للحريم………كيف يعني نيلس ويا الرياييل امف منقود
ومره قبل كنت سايره عشان اخلص معامله كله بتان وماشي مكان للحريم
كيف يعني ايسون دعايا في الجريده عشان الناس يشترون وماشي مكان للحريم…
وشكلهم اللي يايين يشترون بياعين …..يشترون ويدبلون الاسعار على خلق الله …….
لازم المرور ايفكرون في موضوع كاونتر حق اللي يبا يشتري رقم واحد موب بالجمله حق سيارته الوحيده ويعيدون النظر في الموضوع
وهذي هيه السالفه ياعيالي
شورايكم
مشكورين كل اللي مرو على موضوعي بس بعلق اهنيه
ترا المئه نفر اللي شفتهم كلهم مواطنين…….
اتمنى من المرور ايسون كاونتر حق التجار او حق اللي يشترون بالجمله
وحق اللي ياي يشتري رقم واحد كاونتر بروحهم عشان يعطون الافراد حقهم في الشراء
ويوسون جهه حق الحريم
الجمعيات يوم انسير نلقا اللي مترسين عربانات عند كاشير معين واقل من عشر حاجات كاشير خاص
موب حاله هاي عاد ……انشوف الجهات الخاص نظاميين اكثر ………
لازم المرور ايفكرون في موضوع كاونتر حق اللي يبا يشتري رقم واحد موب بالجمله حق سيارته الوحيده ويعيدون النظر في الموضوع
ما يسوا علييج بصراحه
تعالي الفجيره والا راك
بتخلصين في اسرع وقت
وتحياتي
^_^
ما يحتاي كاونتر للحريم، كاونتر للمواطنين يكفي !
يالله يعينا بس ع هالحاله
وين السالفة … سرتى وحصلتى زحمة ورديتى وبعدين شوة صار .!!!!
ليش ما قلتى انج كمواطنة او مواطن فى البلاد ويحق لج تمتلكين رقم بقيمة الاسمية ويوم لقيتى وقت وسرتى المرور انصعقتى من الى شفتية … زحمة واصلة حدها باكستانية وهنود وعفسة ولا مكان مخصص للسيدات ومن التجار الى ماكلين الخظر واليابس الى ما يرحمون حد وجان تزعلين وتردين البيت مكسورة الجناح !!!
الغصة كلها اصلا من التجار الى يطلعون الرقم بالف وشى ويرفعون سعرة لين فوق العشر الف … على السوق يغرق كله ارقم حتى ترجع الاسعار طبيعية