الموهيم
سرت بشتري رقم حق السياره قلت اي شي قوم بو 1500 درهم
بدال ما اشتري غالي الموهيم
بعد بدال ما اشتري من حد مدبل السعر عن الخساير
يوم سرت هناك عطوني رقم وقالولي كاونتر رقم 18 و19 الموهيم يوم وصلت جنه داخله صف مسائي مصطفين وماشي مكان لليلسه…والريحه عبق الماضي
يوم طالعت الرقم اللي عندي وطالعت الافته اونه قبلي 100 نفر جان اقول موب معقول جان اسير عند راع الكاونتر جان اقوله كم قبلي قال 100 وشي
الموهم على طول قلت حق الريال خيبه …..شسوي مارمت اسوي كنترول على عمري
جلوعت الورقه وفريتها…في السياره
وطبعا ماشي مكان للحريم………كيف يعني نيلس ويا الرياييل امف منقود
ومره قبل كنت سايره عشان اخلص معامله كله بتان وماشي مكان للحريم
كيف يعني ايسون دعايا في الجريده عشان الناس يشترون وماشي مكان للحريم…
وشكلهم اللي يايين يشترون بياعين …..يشترون ويدبلون الاسعار على خلق الله …….
لازم المرور ايفكرون في موضوع كاونتر حق اللي يبا يشتري رقم واحد موب بالجمله حق سيارته الوحيده ويعيدون النظر في الموضوع
وهذي هيه السالفه ياعيالي
شورايكم
مايحتاي ههههههههههههه
شيخص الهنود كل اللي مسوين زحمه هناك مواطنين ……….الله يعافينا
المفروض يكون بكل مكان كاونتر للمواطنين …. خلونا نحس شوي انا مواطنين ……. وين ما تسير وانت كاشخ وقدامك مليون هندي ووراك سبعمئة الف بتاني والله تتفشل وانت صاف بالسيد لكن الله المستعان
وطني انا ….. !!!!!!
مادي متى هيئة الطرق والمواصلات بتخلي البيع المباشر أون لاين وبتفك خلق الله من المذله ومحسوبيات الكونترات
Sale Online
وفكوووونا
والا كان في خاطري أخذ رقم
بس الزحمة ولازم الحضور شخصي والسوالف البايخه …