السلام عليكم ورحمة الله وبركاته
في ظل اهتمام القيادة الحكيمة لتطوير العمل التربوي بالدولة
فمن حرصي أردت أن أكون من ضمن هذا التطور ففكرت في تكملة الماجستير في إحدى الجامعات البريطانية فوقع الاختيار على جامعة نيوكاسل – تخصص إدارة وقيادة لمدة ثلاث سنوات منها سنة دراسية كاملة دراسة اللغة الانجليزية .. فبعد أن أحضرت كل الأوراق و الموافقات ومن جميع الجهات وصبرت على هذا الموضوع تقريبا سنة وثلاثة أشهر حتى إني وصلت لمرحلة قلت مستحيل المجلس يرفض .. ففي نهاية شهر 9 اتصلت في المجلس فكانت المفاجأة إنه المجلس رفض الموضوع .. فسألت السبب .. ليست هناك اجابة .. قلت ماشي فايدة لازم أراجع المجلس فكانت المفاجأة الثانية يوم سألت عن سبب الرفض فقالوا لي سبب الرفض يرجع إنه ما عندك بحوث تقارير ودورات ودرجتك في اختبار الايلس مب زينه {3,5 – بدون دراسة } .. فكل هذه الأشياء مقدور عليها بالجهد والتعب ..
فسألت نفسي ليش هم ما عرفوا إنه ما عندي بحوث وتقارير ودورات في الإدارة والقيادة إلا في شهر 9 مثلا .. أم الموضوع يبيله بعد واسطة
,, وربي شاهد على ما كتبت إني قلت ببذل كل جهد وطاقة لدراسة الماجستير ,,
لكن في النهاية قدر الله وما شاء فعل
وصباحكم ماجستير ودكتوراه
وماخفي اعظم
مجلس ابوظبي هدفه الاول يكدون على الاجانب مادري منو الي لاعب فيه
كلامك عجيب يا الحبيب
بكتشف كنوز قارون وبعطيك نسبة 30% شو رايك
بس صراحة كلامك صحيح بروح برد عليهم من اليوم بشوف شو بوصل وياهم
كل الشكر اخوي أسير ابوظبي
بسم الله من وين طلعت
مشكور الغالي هالاسبوع بنخلص ما تبقى من دورة الغوص الليلي
والاسبوع الياي بنقضي على الادفانس
كل الشكر يا قناصنا
لا تستغرب اخوي .. ويمكن الأمر فعلا يبي له واااااااااااااسطه ..
شرات أخو ربيعتي .. مقدم على منحه من عندهم عشان يدرس في كلية التقنية .. ورغم انه شااااطر ومتفوق وعطووه من ذاك الوعود .. للحين .. ما شاف منهم رد ..
وكل ما يراجعهم يقولون له بنرد عليك الاسبوع الياي .. والاسبوع الياي .. ويلعبون بنفسيته مدري ليش .. حرام واااايد محبط ..
بس انت شووف شو المطلوب منك .. وتأكد اذا ربك كاتب لك شي بيصير ^^
كرستوفر كلمبوس كان يروح ويرد عشان يقابل ملكة اسبانيا لمدة سنه ونص وكانوا يرفضونه
اخر شي وافقت الملكه وقابلته عشان تشوف موضوعه الي هو اكتشاف الهند
واخر شي رفضوه واستمر خمس سنوات يروح ويرد الى ان وافقوا على طلبه والنهايه اكتشف لنا ماما امريكا عن طريق الغلط
انت روح ورد عليهم لين مايوافقون عليك وبنترياك شو بتكتشف لنا ^^