هذا الفلم تم تصويره اغلبه في أبوظبي
قصر المؤتمرات هو قصر السلطان الي يتكلم عنه في الفلم
ومنطقه المصفح الصناعيه كانت الطراده
وشعبيه خليفه بعد عدال المصفح والي كانت هي منطقه السويدين اونه
والخط السريع مقابل الشهامه كان موكبهم
لكن ما قدرت اعرف المدرسه ,, ولا قدرت اعرف الكامبين الي هو الرحمه كومبلكس وين كان
وبرج المملكه الي يبين كان فبركه صوره معاهم
التصوير كان كامل في ابوظبي ,, وقبل سنه ونصف من اليوم
سبحان الله .. قلت كل شىء في خاطري .. وجزاك الله الف خير .. كلام قناص دبي صحيح 100 %
قاصين علينا .. و هم ينكتون عليها و على دينا الله لا يوفقهم و نحن ندفع بيزات و نشوف هالمصخره !!!
بس شو اقول .. لا تعليق !!
تبي الصدق شجعتني اروح اشوفه
مــا أحــب هــالنوعيــه من الأفــلام اللي يتعــرضون بهــا على بــلاد المسلميــن واعتقــاداتنـا وخصــوصا التـطرق للسيــاسه !! وســالفة الإرهــاب !!
الله أكبــر عليــهم !!
يعــرفــون عمــارهم إنــهم ســاس البـــلاء في العــالم !!
==============أخــوي يــاريت اتنــزل مقــطع الفيــلم بــدال ال You Tube ،، لأنه الــرد بينحــذف ..
اتفضــل الطريقــه ..
سبقتنى والله يا اخويه الحكومه الالكترونيه …..
انا البارحه شايف ها الفيلم بميركاتو ….واحينه كنت داش المنتدى
عسب اكتـــب موضوع عنـــه ……
الصــراحه الفيلــــم غيض بي وقهـــرني واايد وااايد …..وزين اني يودت عمريه …
جدام الكل …وطلعت اللي بخاطري ..بس خفت لا يودونا القرقور في العيد بعد …
المهــم الفيلم كله سياسي ….وله مآرب خطيره …وغــزو فكــري خطيــــــــر ….
ويتكلم عن التفجير اللي استوى في منطقه الخبر بالسعـــوديه ……
ومغزاه ان العرب والخليجين بشكل خاص ارهابيين ومجـــرمين وقتلـــه ….
وبان الامريكان هم الشعب المسالم والطيب ومنقذ الدول العربيه من الفساد والارهاب …
واللي قاهرني اكثر شي ..بان تمثيـــل الفلم كله في بوظبي …مبين من قصـــر الامارات …
ومن محطه ادنــوك للبتـــرول …..يعـــني تمثيـــل فاشل ميه بالميه ……
وواضح للعيــــان …وموضحين بان الشعب السعــودي اغلبهم غجــر وارهابيين …..
يعني باختصـــار مفيـــد ….انا ندمت اني ضيعت وقتي على فيلم تافه مثل هذا ….
وما دخلته الا عسب الفضـــــــــول …..والقهر انهم عارضينه بشكل يومي وجنه العيـــــــد ….
لا واللي يقهر بعد …بان خمسه من الامريكان هم اللي قضو على كل تنظيم القاعده …
مسوين فيلم هندي بالقوو….عنبــوه الامريكان ما يموتون ابد في ها الافلام الخربطيشن مالهم …
ما يدرون بانهم يزيغون من ظلهم …لعنه الله عليهم جميعا فردا فردا …حاكما وشعبا …..
.
الفيلم اسمه المملكة ويقصدون انتوا عارفين وين !!!!
ومصورينه ف الامارات
ويتكلمون عن الارهاب يعني الاسلام ماصار الا ارهاب بس
ماقول غير الله يعين
صوروا الفيلم ف عقر دارنا وفوق ها كله يغلطون ع اعظم شي وهو دينا الحنيف
الاسلام من السلم
على الدنيا السلام