السلام عليكم ورحمة الله وبركاتة
يا جماعة الخير بالله عليكم هاذي حاله شفتوا حال البنات والحريم في الدوائر الحكومية والخاصة تلقى العباه مشغولة ومزركشة بألف لون ولون …لا والموديل كل يوم شكل!!!!
شو بيستوي لو هاي الدوائر تنزل قرار بلبس عباه مشغولة بلون اسود او عباه ساده …اولا احشم وثانيا لانه مكان عمل وثالثا كل وحده بتوفر فلوسها…
لا وفي المولات ادهى وأمر يوم تشوفها تقول جنها سايره عرس!!!! مادري في الاعراس شو يسون!!!!!
خافن الله في عماركن….
انا امبوني البس عباة سادة ومااحط ميكب الحمدلله فطرة من الله
حلاته اذا نزلوا هالقرار بيفكونا من صدعة الراس انتي وين مخيطة عباتج وليش ما حطيتي هاللون ووووووو ……… الخ
يالله سترك
ما شاءالله كفيت ووفيت ياخوية حمدان
ويعطيك الف عافية ما قصرت بصراحة
اتمنى ان هذا الكلام يؤثر في بعض النساء ويغيرن من حالهن!!!!!
مع خالص الود
انا بتكلم عن نفسي
البنت اللي تكشخ وتتعدل بعطور ولبس ملون ..الريال بينظر لها كنظره واحد يبا يشبع رغباته ..(الرياييل الشليتيه فقط)
..مب نظره احترام ولا نظره شخص لاخته في الاسلام …هاي الحقيقه
وكذلك بيحصلون نظره كره وحقد من قبل الرياييل (الغير شليتيه)
الحين دور البنت المحتشمه … هالبنت الرياييل الشليتيه .. والغير شليتيه بيحترمونها غصبن عنهم.. وحتي النسبه مالها بتكون وايد عاليه انه حد ايي يخطبها …لانه الريال يدري انها قادره علي تحمل مسؤليه العايله اللي بيكونها وياها .. وتقدر تهتم في عيال المستقبل
كلام موجه لصاحبه المباديء والخلق الحسن (عارفه نفسها) …
البنت يوم بتحتشم ..ما بتكون معرقه مثل ما تقولين .. شي صابون عنبوه ..هههه مب لهالدرجه.. البنت تراها بتغسل ويهها بصابون وشي مكيفات ماشاء الله … كلامج موول مافيه منطق مع احترامي .
.الميك اب والعباه التافهه اللي بيمسحون العرق يعني هههه ماعرف شو اقولج والله … المنطق في كلامج عالزيرو .. عالسالب بعد .. تحت الزيرو
الله جميل يحب الجمال صح ..بس مب مكياج وعباه مرصصه وقـــله أدب حطي خط تحت قله ادب ^^
البنت زينتها لريلها (حبيب قلبها) ..
حق ريلها تسوي اللي تباه ..خل تلبس جنز لو تبا عادي …بس حق الشارع لا وألف لا .
بس لكن حق الشارع …عباه سوده ساده مب راصه بدون حمره وسوالف فاضيه … لانه هالشي صدق بيكبرها في عين غيرها ..وبيجلب لها الاحترام ..الكل بيدق لها تاهيه هالبنت والله باحتشامها ..بنت اصول والنعم فيها …كفو والله ..
والسموحه اذا جرحت مشاعر حد ..بس ابا مصلحتكم
واخر جمله ابا اقولها
البنت جمالها في احتشامها .. هذا الجمال الحقيقي والله … هاي المحتشمه اللي كل ريال بيتمناها زوجه حقه.. (مب كل ذكر .. لا .. انا قلت كل ريال ….)
يا خواتي في الاسلام… اذا تبون الجمال احتشمو واسترو ع عماركم ..هذا الجمال الحقيقي وخلو الزينه والسمته لحبيب القلب (الزوج)
واذا تبون تنزلون من مستواكن وتبون الكل ما يحترمكن ويخليكن حق اشباع الرغبات فقط… اتكشخن واتزقرتن واتمكيجن واتعدلن وعباه مزخرفه وميك اب ولا تستحون علي عماركم
والسموحه عالاطاله ..
اخوكم الغيور حمدان
ليش مستحيل !!!!!
يمكن المسؤولين ينزل عليهم الوحي وينزلون قرار بلبس عباه ساده ….
لا مستحيل في هذا الزمن!!!!
خلو عندكم امل!!!!
الله يهديج يا Ursoul حاسبي على كلامج …في ناس بتتشجع من كلامج
الله يحب الجمال ؟ يعني البنت تكشخ ؟ وتتعدل جدام الريايل ؟
والله خبصتي العقيده والدين
طلعتي بمفهوم جديد لدين
خلاص بنات لبسوا وتكشخن عشان تلفتون الانتباه وتشجعون الشباب على المنكر والمغازل والتحرش
ولا تنسون التطيب والرائحه الحلوه عليكم بدهن العود والبخور
وابغي من ادش البنت الدوام ريحتها اتشل شل والكل يقول فديت ريحتها lol