تعميم لبس العباءه الساده في العمل

59 thoughts on “تعميم لبس العباءه الساده في العمل”

1. اتمنى ينزل تعميم بكل وحده اتم في بيتهم

2. اختي هدي اعصابج يالس يطنز ههههههههههههههه حسبي الله علي عدوك ذا ريسك راعي مشاكل هههههههه

   أدري انه يطنز اخوي

   وهو قصده انه في شباب يفكرون بها الشي وبنات بعد مرات يفكرون بنفس التفكير

   وترى من ها النوعية وايدين وانا اختك وهو ذكرنا بهاي النوعية

3. انا ما احب البنت الي تلبس ويكون غرضها انه ادور على ريال يتزوجها

   اخوي سامحني على المداخله بس دامك انت بتفكر جذيه ترى لا تنسى الاشخاص الي قبلك يوم شافوها شو دار ف بالهم وكيف تكون نيتهم

   حلو البنت تتعدل ما قلنا شي بس مب تلبس وتقول تعال شوفوني وتغزلوا فيني

   حلو البنت الي تستر على نفسها وتحشم عمرها بلبسها بتقدر تحشم ريلها خلاف اما البنت الي بتكون مستعرضه بنفسها للي يسوي والي ما يسوى اسمحلي هاي ما اظن تكون زوجه ناجحه بيكون همها اظهار شكلها للناس ومظهرها وصدقني حس بشعور وانت تمشي في السوق مثلا ووياك وحده حاطه فول مكيب ونظرات الي يشوفونك شو بتكون وشو الي يدور في بالهم والوحده منا لازم تتجنب هاي الامور قد ما تقدر

   والسموحه منك مره ثانيه على هاي المداخله

   اختي هدي اعصابج يالس يطنز ههههههههههههههه حسبي الله علي عدوك ذا ريسك راعي مشاكل هههههههه

4. بالعكس ما فيها شي
   من ناحيتي انا يمكن الوحدة تلاقي ريال ياخذها اقصد يتزوجها
   انا مثلا ما احب اشوف وحدة في الدوام و هي مب كاشخة
   حلاتة و هي محطية فووووول ميكب
   نحن الحينة عايشين في عصر التطور و السرعة و الاهم التكنولوجيا
   و الدليل انهم محطين سالك في الدرب

   شو الاخ ما عندك سالفة … ترى جد تعليقك واااايد سخيييييف وبايخ

5. 
   وانا في الدوام قريت الموضوع بس ما قدرت ارد من تراكم الشغل فوق راسي

   بخبركم بشي انا عني ما احب البس عباه غير السوداء الساده احس لو لبست غيرها شكلي غلط حتى لو كانت حلوه على حسب كلام اهلي او اربيعاتي

   عباءه بسيطه ما تكلف اكثر من 200 درهم عندي احلى وارقى من عبايه خسرت عليها فوق 1000

   انا شغلتي سكرتيرة وتعرفون السكرتيرات يعني لازم تتعدل وغيره على قولت الناس علشان تكون واجهه للمكان الي تشتغل فيه والي اييون ناس منهم اصحاب مراكز كبيره وغيره

   تصدقون بديت اشتغل من سنة 2002 عمري ما حطيت كحل في عيني ولا لبست عباه ملونه او مرصصه لاني الحمد الله انا يايه اشتغل بخلص شغلي وبتوكل ومديري والناس الي فوقي بيقيموني على حسب نوع شغلي مب على حسب اللبس الي البسه

   وايد تموا يقولون حقي سواء من اهلي او من الدوام او اربيعاتي يا فلانه ليش ما تحطين مكياج للدوام مكياج بسيط تلبسين عبي كاشخه وتظهرين شويه من شعرج انتي مكانج حساس وماادري شو ارد عليهم اقولهم مديري اول ما اشتغلت عنده وانا جذيه ايي يقول لي شغلج مب عدل قلتلهم المظاهر خداعه انا بامكاني اسوي كل الي تبونه بس بعدين شو بكسب نظرات فتنه ترقيات بالهبل قلتلهم ما ابى ها الشي الحمد الله لبسي خايفه ربي فيه اتعدل في اماكن احس اني لو تعدلت فيها ما بيكون ربي غاضب مني

   اصلا كم يسوى يوم ربك يرضى عليك تتوفق في كل الامور والحمد الله من سنة 2002 لين يومكم ها كسبت محبة الناس والمسؤولين كلهم مب علشان مظهر لا علشان معدن وجمال داخلي ربي اكسبني اياه

   البيزات عدنا بالهبل بامكاني اسوي شرات ما يسون اغلب البنات عبي ب2000 و3000 واربع واكثر بس ليش كل ها

   من يوميين مديري شاف موظفه عندنا تشتغل وانا كنت وراه لانه نسى يوقع ورقه تعرفون شو قالها بسالج انتي متى تنشين علشان تصبغين ها الويه وتسوي شعرج وقالها انتي يبقى لج شي من الراتب ويرد بنفسه ما اظن اكيد تخلصين كل يوم درام على ويهج

   يعني شوفوا شو بتكون نظرة الناس حول البنت الي يشوفونها متنزينه كنها يايه عرس او عرض ازياء وشوفوا كيف يكون ادرائهم في العمل ونظرتهم للبنت الي يايه بلبس بسيط حاشمه نفسها مب مخليه حد يرمس عنها الا بكل خير

   ما اقول لا تتعدلون او لا تلبسون البسوا بس بالشي المعقول وجدام الناس حاولوا تقللون من السيئات والاثام الي تي من ورى لبسنا

   اتعدلوا في بيتكم وسط اهلكم اتعدلوا لريايلكم البسوا الي تبغونه في الاماكن المخصصه للحريم وتكونون متاكدين انه ما بيشوفوكم اي ريال

   بيي وقت بتقول ياريت وياريت وبتكون ياريت ما تاكل خبز

   الله يهديني ويهدي بنات المسلمين ويهدي شبابنا بعد تراهم هم بعد مرات يبالغون في لبسهم

   والسموحه من راعية الموضوع على التطويل

   اختج

   بنت الامارات

   أحلى وارزن رد في الموضوع كله … بارك الله فيج

Comments are closed.