أرجو من الجميع المشاركة وتوصيل الآراء للمسئولين
في ظل زواج المواطنة من وافد ظل الأزواج يطالبون بالتجنيس على أنهم أبناء مواطنات مساواةً بالزوج المواطن
واللي اعرفه انه الأبناء يتبعون الأب في جميع أحواله
إذا تم تجنيس أبناء المواطنات لها عواقب لا تحمد منها علي سبيل المثال تشجيع المواطنات على الزواج من وافد وإسيكون إقبال شديد على المواطنات حتى من خارج الدولة
وبعدين شو بيخلي الوافد يتزوج من مواطنة وهو في بلده بنات ويختار مثل مايحب ولا يكلفه شي وعدنا تكاليف العرس غالية
يعني الحكومة ماقصرت وعطت أحقية الزوجة المواطنة على ارض أو بيت والصحة والتعليم مجاناً يعني شو يبون أكثر من هذا؟؟
الحين الوافد غرضه 95% اذا ماكان 100% من الزواج من مواطنة مصلحة مادية يشوفها كنز جدامه يعني المهم انه يتزوج مواطنة ومايهمه مظهرها
لازم ماينعطون مجال انهم يفتحون الموضوع أعتقد إنه اخوانا الفلسطينيين وراء هذا على حسب ما أسمعه كثيراً
طبعا لا ,بس لازم يصير تشجعيع أكثر للزواج من مواطنات
) وينعطى سكن لو في شقة
مثل كل طفل تكون علاوته الاجتماعية 2000 درهم ,كذلك منع المواطنين من الزواج من أجنبيات, إعطاء علاوه خاصة للي ياخذ اكثر من زوجة مواطنة(
ان ضد انه تجنيس ايناء المواطنات تصير قاعدة عامة, لان الاثار بتكون خطيرة لاسباب اولها ان الابن دائما يتبع ابوه وحتى لو حصل جنسية بتكون عاداته نفس عادات بلاد ابوه. فمافي داعي الولد يتعقد ومن حقه ياخذ جنسية بلاد ابوه ويعيش كمواطن من تلك الجنسية.
انا مع النظر للحالات, واعطاء الجنسية بناءا على ظروف الحالة, في مواطنات يتزوجوا اقارب لهم على سبيل المثال او من جنسيات عاداتها ما تختلف عن عاداتنا كثييرا. او اي حالة ترى السلطات انها تستحق الجنسية. ومن الافضل الجنسية تنعطى من وقت يعني والولد لسة صغير عشان اهله يعرفون كيف يربوه كاماراتي او على جنسية ابوه.
ايضا انا مع منع زواج المواطنين من غير المواطنات, على الاقل للعشر سنوات القادمة حتى يتعدل الخلل في التركيبة السكانية.
ومع كل هذا التجنيس واقع موجود في كل دول العالم, لكن كل دولة تجنس وفق معايير تحددها هي حسب حاجتها مب حسب حاجة الناس.
وانا معاك في هذا الراي
انا اري انه يجب سن قانون واضح زصريح لهذا الموضوع حتى لا تكون هناك مشكله
انا من رايي يتم تجنيس ابناء الموطنات من اباء خليجيين
لانه عاداتنا وتقاليدنا ما تختلف اختلاف كبير ..
وعندي سبب ثاني ..
انه
عدد المواطنين قليل نسبه للوافدين الموجودين بدوله ..
ثالثا اعداد .. المواطنات بدت تتجاوز اعدد المواطنين
يعني يا انه يصير تعدد زوجات .. ويا انه الوحده تتزوج من برع
ولا بتنتج عندنا مشكله ثانيه وهي العنوسه ورقعها