السلام علييكم ورحمة الله وبركاته
أخواني وخواتي طبعن محد فينا يعارض انه نكون مثقفين ونتعلم لغات تفيدنا فحيتنا العامه والخاصه … ع العموم حبيت اخذ رايييكم في موقف اليوم صارلي بنت واختها وامها يكلموون بعض جدام الناس فالجمعيه بالانجليزي مع العلم انهم مواطنيين 100% وشوي يرمسون محلي وشوي انجليزي
تقول فلانه (we have milk??) وتموو يرطنووووون بالانجليزي والناس يطالعوونهم مستغربيين …
عنبوه يعني خقه انهم يعرفوون انجليزي ولا شو بالظبط ؟؟؟؟ 
فهل انتو تشووفوون هالشي عادي بالنسبالكم ولا لا؟؟؟
العربيه لغة القرآن يا جماعة الخير المفروض نفتخر فيها …
المشكله انك تحصل بعض العرب يتقنون لغات اجنبيه ومايعرفون يركبون جمله صحيح وسليمه بالعربي …
تحياتي …
اذا تمينا على هل حال ونعلى من قدر نفس هناس .. كلها 100 سنه ويكون عدد الي يرمسون عربي ينعدون بل اصابع
ضد الناس اللي يكلمون الصغار بالانجليزي طول الوقت
..لأن هالشي يأثر على اللغة الأم وهالشي موجود بالفعل
اطفال لغتهم العربيه مكسّــــــــــره كأنك اتكلم هندي
.
.
ومع الناس اللي يتكلمون مع بعض بالانجليزي
عشان يطورون لغتهم بغض النظر عن المكان اللي هم فيه
.
.
بالبيت مستحيل أرمس انجليزي .. حتى لو كنت بلبل فيها ..
و اذا ابا اكسب لغة شي وايد طرق .. بس ما توصل اني اكلم أهل البيت بالإنجليزي ..
عادي ياخوي الا ان علوا صوتهم عسب يجذبون الأنظار لهم
هني تعتبر خقه
ما عليه نتعلم اللغة الإنجليزيه ونتدرب مع الاهل والغير ونتكلم معاهم بس لازم له حد
كل شيء يزيد عن حده ينقلب ضده