مســـاء الخيـــر للكـــل
أنا من محبين هذا الموقع وشتريت كم من مره من خلال هــذا السايت وللامـــانه إلي أشتريته ما كان فيه أي عيب
بس من أسبوع لفتني فالمنتدى موضوع واحد حاطنه ويقول
( مفاجأه: عطور باريس غالري بأرخص الاسعار )
ودخلت ولقيته كاتب أنه بضاعته أصليه وأنا على نياتي قمت
واشتريت ثلاث عطور بقيمة 390 درهم
ونصدمة يوم فتحة وجربت الـعطور
أول شي العطور غير اصلية والزجاجه نفسها مبين عليها انها غير أصلية
وأول مره أشوف عطر يكون جديد وزجاجته تتقشر من برا…!!!
أنا لو كنت أعرف أن العــطور بهذا المستوى
واللــه ثم واللــه ماشتريهم كلهم بعشرة دراهم
أنا حبيت أوضح للناس الطيبه إلي فالمنتدى من بعض الناس إلي يقولك أصلي وتنصدم وقت مايوصلك المنتج
أنا ما أقول إلا حسبي الله بس
وياريت من المسؤولين فالمنتدى توصلهم هاي المعلومه
اول مرة واخر مرة شريت فيها دهن العود من المنتدى…وحده كانت مسويه دعايات واقتباسات مدح في الدهن العود وشيوخي وعليه طلب مب طبيعي وعدد صفحات الموضوع فوق 15….قلت بس اخيرا حصلته..خلني الحق قبل لا يخلص من السوق
..بشتريه وانا مغمض…
استخدمته مرة وندمت..ريحته
..عطيته لاخوي العود اونه هديه ..قلت له حطه الله يعزك في الحمام حق الضيوف هههه…احلى ما فيه الغرشة بس..خربان وما يتسكر بعد …
الله المستعان
اجرك على الله .
ولا حول ولا قوة الا بالله
انا ما اطب قسم البيع والشراء…حدي المنتدى العام ..واحيانا ادخل اطمش في قسم السيارات ارقام السيارات..
بخصوص العطور..احيانا يحصل ان التاجر يشتري بضاعته من برع على اساس انها اصلية حسب الاتفاق (ينغش)..طبعا يكون غشيم ما يعرف يفرق بين الاصلي والتقليد..فما مثل ما توصله البضاعة..يعرضها للبيع على انها اصلية..يعني بدون وجود نية مسبقة لغش الناس..
العطورات ما اشتريها الا من اماكن معروفة..لان وايد محلات تبيع تقليد طبق الاصل..
ما ياج شي.
بعض الأعضاء يبيعون دهن عود على أساس إنه أصلي و قيمته فوق الألف.
و الحبيب حاط إقتباسات عن آراء الأعضاء اللي تشكر فيه.
لكن طلعت ريحة الدهن عود “فكس“.
السلام عليكم ورحمة الله وبركاته
كنت ناوي اشتري الصراحه لكن شكرا على التحذير