بسم الله الرحمن الرحيم
ممكن تفيدوني هالموتر كم يسوى ؟؟!!
مرسدس c63 وارد أمريكا
سنة الصنع : 2008
اللون الخارجي : أسود
اللون الداخلي : أسود
العداد : 22000 km
ملاحظه : البمبر اللي جدام مبدل خليجي
للعلم فقط الموتر أنا بشتريه يعني ما راح أعرضه للبيع في آخر التقييم
نصيحه لاتاخذه أسأل مجرب وشوف لك أس أحسن
أنا وياك أنه في أمريكا في بهالأسعار
بس لو تحسبها كم بيطلع عليك
مثلا ً إذا 220,000
الجمارك بياخذون 5% يعني 11,000
والشحن ((في كونتينر)) بياخذ عليك قول 10,000
220,000 + 11,000 + 10,000 = 241,000
مع تبديل كم شغله فيه للمواصفات الخليجية عشان ما ينكر بكم بيطلع عليك>> طبعا ً ما أعرف كم يكلف !!
اللي يشوف ردي عليك يقولك أنا اللي ببيع السياره مب جني أنا اللي أريد أشتري
بس الواحد صار مش عارف السياره كم تسوى
اللي أحيده عندنا إحتكار في سوق السيارات ولو هالتفاوت في الأسعار بهالطريقة جان كانت الدنيا بخير وعلى قولتهم بنقول حق الوكلاء (( خلوها تصدي ))
يوم تسمع شرات هالقيم وتعزم تشتري سياره تنصدم بالواقع !!
على العموم السموحه منك ياخوي ويشرفني تواجدك في الموضوع
وعليكم السلام ورحمة الله وبركاته
والله يا خوي ما أدري شو أقولك
الشباب يقولون سعره من 170 لين 200
وأنته تقول 255,000
إنزين شو رايك تشتريه من عندي بـ 240,000 وقابل للتفاوض في حدود المعقول ؟؟!! والموتر مبدل خليجي و عليه ضمان
المهم يشرفني تواجدك في موضوعي مرورك وعرضك والسموحه منك
والله ما عرفنا كم يسون هالسيارات
يوم تبى تشتري
ويوم تبى تبيع 
مشكووور أخوي على مرورك
بارك الله فيك