السلام عليكم
بصراحه كانت سفرة العمر فعلا ..
تخيلو تظهرون من البيت وانت مب واثق انك بتوصل ولا ما بتوصل هههههه لاسباب عديده
ما ابغي اقول الاسباب لانها وايد تضحك ههههههههه
يمكن تستغربون من الكلام اللي اقوله بس اللي ما بيسمع كلامي راح يندم ..
انتو اليوم سايرين تستانسون وتنبسطون اخر بسط وباقل تكاليف .. الحياة غاليه في المناطق السياحيه في تركيا وبالذات اوزنجول …
يجب على الجميع عمل تربتيك للسياره من مكتب في عجمان اسمه نادي السيارات
اخواني بدات رحلتي من الامارات من رأس الخيمة 9 ليلا وتجت الا مول الامارات دبي قضيت شغله في ظرف 10 دقايق ومنها تحركت من مول الامارات الساعة 10.30 ونصف ليلا وصلت حدود الامارات بعد 4 ساعات تقريبا ومنها خرجت من الامارات ودخلت حدود السعوديه وسويت تامين للسياره 70 درهم ونمت شوي في السياره في محطة البترول اللي بعد الحدود والسبب ان غرف الفندق كانت فول فول فول وتحركت الفجر وواصلت المسير لحد منطقة طريف في السعودية حدود الاردن ونمت هناك للفجر وتحركت من طريف متجه الى حدود الاردن طبعا قبل لا ادخل الاردن فولت السيارة بترول والسبب ان البترول اغلا ب 3 اضعافي في الاردن ….
الطريق من حدود السعوديه الى الاردن كالاتي :
( حدود السعوديه البطحاء – الهفوف – النعيريه – حفر الباطن – عرعر – طريف هذي منطقة في السعوديه على الطريق – الحديثه حدود الاردن )
المهم اخواني وصلت حدود الاردن واول ما وصلت حدود الاردن نزلت ختمت الجواز وامنت السيارة وسويت اوراق السياره ما كلفني 20 دقيقه ومنها دخلت الاردن … ومشيت في الاردن منطقة الزرقاء ومن منطقة الزرقاء اتجهة الى سوريا درعا .. ووصلت درعا حدود سوريا …
اول ما وصلت حدود درعا سوريا .. ظهرت التربتيك عشان ما يحسبون علي وايد لان التربتيك تستعمله بس في سوريا المهم بس امنت السياره الموضوع ما خذ مني اكثر من 20 دقيقه نفس الشي ..
ومنها دخلت سوريا المهم متجه الى طلنفه وكان الطريق كالاتي درعا دمشق حماه طريق الاذقيه وقبل لا توصل الاذقيه شي مفترق طريق مكتوب بالخط العريض صلنفه تصعد الجبل ساعه الا ربع وتوصل صلنفه وصلت منطقة صلنفه تقريبا العصر … ريحت ثلاث ايام في صلنفه بروحي محد معاي طول الطريق من الامارات لصلنفه احب اسافر لوحدي في السياره ….
المهم وصلت صلنفه كانو هناك شباب من الامارات ربعنا كانو سابقيني وقعدت معاهم 3 ايام .. ومنها
تحركت الى حلب وبالتحديد مطار حلب الدولي …
تقرير محتصر عن المصاريف
تكاليف رحلتي من الامارات الى سوريا …
بصراحه عندي السيارة من نوع نيسان فالنيسان معروف انه يصرف بترول وايد
عموما انا فعبيت السيارة بترول من البيت تقريبا 80 درهم وقبل ما اوصل حدود الامارات فولتها مره ثانيه 80 درهم .. ودخلت السعوديه وسويت تامين للسيارة 70 درهم تامين اسبوع واحد اجباري … دخلت السعوديه عبيت بانزين فل 35 درهم يا بلاش ههههههه وبعدين صرت اعبي 15 درهم 20 درهم يعني مبالغ ما تنذك ..
عموما وصلت للاردن امنت السيارة ب 10 دنانير اردنيه وجمركت السيارة ب 15 دينار اردني …
وصلت سوريا .. عندي تربتيك دفعت 750 ليرة سورية تامين السيارة 9 دولارات عطيتهم جمارك للسيارة لان عندي تربتيك .. والتربتيك وفر علي فلوس وايده … انا انصح كل اللي بيسافرون يسون تربتيك لان يوفر مصاريف الدنيا …
عبيت بترول في سوريا 2000 ليرة وصرت اعبي السيارة 1800 ليرة بعدين ..
المهم كلفتني الرحله من الامارات الى سوريا مع تامين وتسجيل وغيره تقريبا …. 800 درهم الى صلنفه
صلنفه بصراحه الجو فيها روعه وراح اكمل كيف وصلت تركيا ..
وباذن الله باقي التقرير في الوقت القريب
السلام عليكم
اخواني اضغطوا على هذي الرابطه
فيها خريطة كبيره وفوق ما تتصورون فيها كل التفاصيل الدقيقه وصدقوني انا اعتبرها هذي افيد خريطة في العالم لتركيا
http://www.allaboutturkey.com/img/Turkey_road_map.jpg
اخوكم راك اس ال ونتظروا المزيد
ماشاء الله عليك …
ذكرتني برحلتي لوحدي الي صلاله تخيل … واحب السفر لوحدي
احلى شي …والله متعه ..
وانا انتظر باقي التقرير .. والصور …
راح اكملكم اليوم التقرير ولو شي بسيط منه اعتقد لو اخلي الصور في نهاية التقرير يكون افضل
اخواني انا صحيح طلعت من مطار حلب الساعه 3 بليل لكن تاخرت عند الحدود التركية اعزاز والسبب في ذلك تامين السيارة وصلت الفجر لكن اللي يامن السيارة كان نايم وراحت ساعتين على الفاضي لحد ما جانا عموما تحركنا الساعه 6 الصبح اول ما تحركنا دايركت على حسب الجدول الموجود اعلى الصفحه وصلنا طربزون الساعه 10 بليل للعلم نحنا ما كنا نسرع ابد ابد ابد … عموما اخواني بسبب عدوم تمكني من المنطقة وعدم معرفتي فيها اطررت انا انام في السيارة الحمدالله السيارة عندي واسعه وايد وبصراحه خليتها شغاله والمكيف شغال ونمت فيها وصحيت الفجر وكملت مشواري لين اوزنجول وصلت اوزنجول لاخر النهر الناس كانت نايمه المهم اول ما صحيت رحت وسالت عن الموتيل هذا اللي بعد انصار عند الاخت امينه وعطتني الليلة ب 35 ليرة تركية اخذت غرفتين ب 70 ليرة تركية لكن الروعه في الموضوع ان السيارة توصل لباب البنسيون هذا واحد وثاني شي حديقة واسعه وروعه روعه روعه الواحد يقدر يشوي فيها براحته يقدر يسوي اللي يبيه ومحد يباغثه عموما والله كانو في عرب يجوني من موتيلات وبنسيونات ثانية ويقعدون عندي والسبب انهم يبون يتعرفون على المناطق اكثر والشي الثاني موتيلاتهم مافيها براحه للقعدة مثلا ..
المهم هذا رقمي الاخت امينة 05369488990 المهم لما تقوللكم 45 ليرة تركية قولولها انتي اجرتي يوسف ابو رذاذ .. 35 ليرة وراح تاجرلكم نفس الاجار ذكروها في رذاذ وراح تتذكر ..
حجزة عندها 7 ليالي
اتمنا اكون فدتكم للحين ولنا تكملة في التقرير اللي بعده
بعد ما قعدت 3 ايام في صلنفه لوحدي وبصراحه غيرت جو شوي عن الحر في الامارات ..
تحركت الى مطار حلب .. رحت ايب الاهل …
وتحركت من المطار الساعه 3 بليل وعلى طول من مطار حلب الى حدود اعزاز
والسبب في اختياري حدود اعزاز هو اقرب بكثر من بابا الهوى والطريق جدا سهل وواسع .. عموما توفير بترول لان لو دخلت من باب الهوى راح اخسر 200 كيلو ..
اخواني انا انصح كل مسافر الى تركيا بأنه ينتبه لموضوع البترول لان لو بدا يلعب ويستهين بالبترول راح يشوف نفسه صرف اضعاف مضاعفه اسالو مجرب في ظرف 10 ايام 6000 الاف درهم … بترول في تركيا فقط فما اريد اي حد يغلط نفس الغلطه .. لو انتبهت لنفسي شوي ما كنت صرفت حتى 3000 درهم …
المهم اليكم الخريطة خريطة سيري مرسومه بالخط الاحمر … طبعا هذا الخط شوي كانت نهايته صعبه من منطقة زارا … باذن الله سوف اعطيكم الطريق السهل …
Kilis – Gaziantep – Kahramanmaras – Goksun – Sarkisla – Sivas – Zara – Giresun – Trabzon – Of – Uzungol
بصراحه الطريق جدا سهل ورائع لكن في نهاية الطريق تعبت انا انصح ان اللي يروح تركيا يروح من هذا الطريق لاني جربته وبصراحه سهل جدا ..
طبعا انا غلط غلطة لما اخذت طريق Zara – Giresun المفروض اخذ طريق Sivas – Imranli – Gumushane – Trabzon – Of – Uzungol
عموما راح اكملكم باجي التقرير قريب باذن الله .. وراح تستفيدون من الكلام اللي اقوللكم اياه صدقوني ذهب وينشرى بفلوس .. يليت كل واحد يعتمد على نفسه ..
ملاحظه انا سافرت بسيارتي صح ومعاي العايله واعتبر نفسي مغامر كبير وما انصح حد يغامر بنفس مغامرتي .. هههههههه للبقية حديث راح اقوللكم شو صار معاي وشو المشاكل اللي واجهتني في الطريق لكن خلت الرحله من اروع ما يكون
وصف دقيق ومشوق تقول اني مسافر وياااك ….