السلام عليكم
بصراحه كانت سفرة العمر فعلا ..
تخيلو تظهرون من البيت وانت مب واثق انك بتوصل ولا ما بتوصل هههههه لاسباب عديده
ما ابغي اقول الاسباب لانها وايد تضحك ههههههههه
يمكن تستغربون من الكلام اللي اقوله بس اللي ما بيسمع كلامي راح يندم ..
انتو اليوم سايرين تستانسون وتنبسطون اخر بسط وباقل تكاليف .. الحياة غاليه في المناطق السياحيه في تركيا وبالذات اوزنجول …
يجب على الجميع عمل تربتيك للسياره من مكتب في عجمان اسمه نادي السيارات
اخواني بدات رحلتي من الامارات من رأس الخيمة 9 ليلا وتجت الا مول الامارات دبي قضيت شغله في ظرف 10 دقايق ومنها تحركت من مول الامارات الساعة 10.30 ونصف ليلا وصلت حدود الامارات بعد 4 ساعات تقريبا ومنها خرجت من الامارات ودخلت حدود السعوديه وسويت تامين للسياره 70 درهم ونمت شوي في السياره في محطة البترول اللي بعد الحدود والسبب ان غرف الفندق كانت فول فول فول وتحركت الفجر وواصلت المسير لحد منطقة طريف في السعودية حدود الاردن ونمت هناك للفجر وتحركت من طريف متجه الى حدود الاردن طبعا قبل لا ادخل الاردن فولت السيارة بترول والسبب ان البترول اغلا ب 3 اضعافي في الاردن ….
الطريق من حدود السعوديه الى الاردن كالاتي :
( حدود السعوديه البطحاء – الهفوف – النعيريه – حفر الباطن – عرعر – طريف هذي منطقة في السعوديه على الطريق – الحديثه حدود الاردن )
المهم اخواني وصلت حدود الاردن واول ما وصلت حدود الاردن نزلت ختمت الجواز وامنت السيارة وسويت اوراق السياره ما كلفني 20 دقيقه ومنها دخلت الاردن … ومشيت في الاردن منطقة الزرقاء ومن منطقة الزرقاء اتجهة الى سوريا درعا .. ووصلت درعا حدود سوريا …
اول ما وصلت حدود درعا سوريا .. ظهرت التربتيك عشان ما يحسبون علي وايد لان التربتيك تستعمله بس في سوريا المهم بس امنت السياره الموضوع ما خذ مني اكثر من 20 دقيقه نفس الشي ..
ومنها دخلت سوريا المهم متجه الى طلنفه وكان الطريق كالاتي درعا دمشق حماه طريق الاذقيه وقبل لا توصل الاذقيه شي مفترق طريق مكتوب بالخط العريض صلنفه تصعد الجبل ساعه الا ربع وتوصل صلنفه وصلت منطقة صلنفه تقريبا العصر … ريحت ثلاث ايام في صلنفه بروحي محد معاي طول الطريق من الامارات لصلنفه احب اسافر لوحدي في السياره ….
المهم وصلت صلنفه كانو هناك شباب من الامارات ربعنا كانو سابقيني وقعدت معاهم 3 ايام .. ومنها
تحركت الى حلب وبالتحديد مطار حلب الدولي …
تقرير محتصر عن المصاريف
تكاليف رحلتي من الامارات الى سوريا …
بصراحه عندي السيارة من نوع نيسان فالنيسان معروف انه يصرف بترول وايد
عموما انا فعبيت السيارة بترول من البيت تقريبا 80 درهم وقبل ما اوصل حدود الامارات فولتها مره ثانيه 80 درهم .. ودخلت السعوديه وسويت تامين للسيارة 70 درهم تامين اسبوع واحد اجباري … دخلت السعوديه عبيت بانزين فل 35 درهم يا بلاش ههههههه وبعدين صرت اعبي 15 درهم 20 درهم يعني مبالغ ما تنذك ..
عموما وصلت للاردن امنت السيارة ب 10 دنانير اردنيه وجمركت السيارة ب 15 دينار اردني …
وصلت سوريا .. عندي تربتيك دفعت 750 ليرة سورية تامين السيارة 9 دولارات عطيتهم جمارك للسيارة لان عندي تربتيك .. والتربتيك وفر علي فلوس وايده … انا انصح كل اللي بيسافرون يسون تربتيك لان يوفر مصاريف الدنيا …
عبيت بترول في سوريا 2000 ليرة وصرت اعبي السيارة 1800 ليرة بعدين ..
المهم كلفتني الرحله من الامارات الى سوريا مع تامين وتسجيل وغيره تقريبا …. 800 درهم الى صلنفه
صلنفه بصراحه الجو فيها روعه وراح اكمل كيف وصلت تركيا ..
وباذن الله باقي التقرير في الوقت القريب
اخوي التربتيك هو عباره عن ورقة تستخرجها من عجمان من محل اسمه نادي السيارات
هذا مثل دفتر مكتوب بالانجليزي عشان تقدر تدخل فيه تركيا بالسياره تعرفون ما يقرون عربي بس انجليزي
واصلا تركيا ما يقرون انجليزي بس المهم شي يفي بالغرض
والتربتيك يوفر عليك فلوس الدنيا في سوريا .. عشان ما تدفع بلاوي في سوريا بس تراويهم التربتيك بس تامن السياره وتدفع مبلغ بسيط وتدخل
اخوك يوسف
ما شاء الله.
رحلة جميلة ووصف أجمل.
أخوي شو التربتيك بالضبط؟
منقذ
السلام عليكم
شيخي العزيز اشكر كلامك الطيب وصدقني يا اخوي العزيز ان هذي المنطقة باختصار يعجز الكلام عن وصف هذي المنطقة اوزنجول تقع في محافظة طرزون
انا يا شيخي الغالي اقولك تركيا حلوه وايد بس اروع ما في تركيا هي هذي المناطق ومن الصعب توصللها اذا ما كانت عندك سياره خاصه فيه او اذا تعرف تتنقل في الباصات
او انك تقص تذكره من الامارات العاصمة اسطنبول ومن اسطنبول تغير الطياره وتروح مطار طربزون ومن مطار طربزون تركب تكسي للمنطقة هذي اوزنجول وبعدها توصل بسلام
وااااااااااااااااااااااااااااو روعة
بسك يكفي اللي يانا ما نزداد ترانا
شوقتنا حق تركيا
ماشاء الله عليك الصراحة تقرير ولا أروع ويعطيك العافية على المجهود الطيب ،،،
ولا زلنا في ذكرى المدينة الجميله لنودع يوم محفور في الذاكره مع احبة لنا في الله
وعلموا ان لاخير ولا سعاده لهم الا بحمل هذا الدين وتعلمه
فهنيا لهم ولنا بهذا الدين
وها نحن نعود الى اوزنجول الجميله الوادعه
هذه اللقطات خذتا اول الصبح بدون غيوم
طبعا غير مرتبه مع نفس يوم خروجنا الى سلطان مراد فيوم ما طلعنا سلطان مراد كانت الاجواء غائمه بعض الشئ
طبعا افضل الاوقات هو يوم بلا غيوم ولا مطر لكي تستريح ويلعب الاطفال وتتفرج براحتك وتشوف الطريق بوضوح
احد المناظر لصعوبة الطريق
يجب التأني ثم التأني
صورة قلما نراها في اوزنجول بلا غيوم ربما فقط في الصباح
جيب صاحب النت بوشعر ويشتغل على الغاز
شكلي طولت عليكم عن سلطان مراد بغير قصد ولكن هناك صور لم اضعها في الحسبان ارتئيت انها جميله وتستحق العرض بدل ان تكون في ادراج النسيان